ΠΡΟΣ ΤΙΜΟΘΕΟΝ Β
NT Nestle 1904
1: 1 Παῦλος ἀπόστολος Χριστοῦ Ἰησοῦ διὰ θελήματος Θεοῦ κατ’ ἐπαγγελίαν ζωῆς τῆς ἐν Χριστῷ Ἰησοῦ 2 Τιμοθέῳ ἀγαπητῷ τέκνῳ· χάρις, ἔλεος, εἰρήνη ἀπὸ Θεοῦ Πατρὸς καὶ Χριστοῦ Ἰησοῦ τοῦ Κυρίου ἡμῶν.
3 Χάριν ἔχω τῷ Θεῷ, ᾧ λατρεύω ἀπὸ προγόνων ἐν καθαρᾷ συνειδήσει, ὡς ἀδιάλειπτον ἔχω τὴν περὶ σοῦ μνείαν ἐν ταῖς δεήσεσίν μου νυκτὸς καὶ ἡμέρας, 4 ἐπιποθῶν σε ἰδεῖν, μεμνημένος σου τῶν δακρύων, ἵνα χαρᾶς πληρωθῶ, 5 ὑπόμνησιν λαβὼν τῆς ἐν σοὶ ἀνυποκρίτου πίστεως, ἥτις ἐνῴκησεν πρῶτον ἐν τῇ μάμμῃ σου Λωΐδι καὶ τῇ μητρί σου Εὐνίκῃ, πέπεισμαι δὲ ὅτι καὶ ἐν σοί. 6 Δι’ ἣν αἰτίαν ἀναμιμνῄσκω σε ἀναζωπυρεῖν τὸ χάρισμα τοῦ Θεοῦ, ὅ ἐστιν ἐν σοὶ διὰ τῆς ἐπιθέσεως τῶν χειρῶν μου. 7 οὐ γὰρ ἔδωκεν ἡμῖν ὁ Θεὸς πνεῦμα δειλίας, ἀλλὰ δυνάμεως καὶ ἀγάπης καὶ σωφρονισμοῦ. 8 Μὴ οὖν ἐπαισχυνθῇς τὸ μαρτύριον τοῦ Κυρίου ἡμῶν μηδὲ ἐμὲ τὸν δέσμιον αὐτοῦ, ἀλλὰ συνκακοπάθησον τῷ εὐαγγελίῳ κατὰ δύναμιν Θεοῦ, 9 τοῦ σώσαντος ἡμᾶς καὶ καλέσαντος κλήσει ἁγίᾳ, οὐ κατὰ τὰ ἔργα ἡμῶν ἀλλὰ κατὰ ἰδίαν πρόθεσιν καὶ χάριν, τὴν δοθεῖσαν ἡμῖν ἐν Χριστῷ Ἰησοῦ πρὸ χρόνων αἰωνίων, 10 φανερωθεῖσαν δὲ νῦν διὰ τῆς ἐπιφανείας τοῦ Σωτῆρος ἡμῶν Χριστοῦ Ἰησοῦ, καταργήσαντος μὲν τὸν θάνατον φωτίσαντος δὲ ζωὴν καὶ ἀφθαρσίαν διὰ τοῦ εὐαγγελίου, 11 εἰς ὃ ἐτέθην ἐγὼ κήρυξ καὶ ἀπόστολος καὶ διδάσκαλος· 12 δι’ ἣν αἰτίαν καὶ ταῦτα πάσχω, ἀλλ’ οὐκ ἐπαισχύνομαι, οἶδα γὰρ ᾧ πεπίστευκα, καὶ πέπεισμαι ὅτι δυνατός ἐστιν τὴν παραθήκην μου φυλάξαι εἰς ἐκείνην τὴν ἡμέραν. 13 ὑποτύπωσιν ἔχε ὑγιαινόντων λόγων ὧν παρ’ ἐμοῦ ἤκουσας ἐν πίστει καὶ ἀγάπῃ τῇ ἐν Χριστῷ Ἰησοῦ· 14 τὴν καλὴν παραθήκην φύλαξον διὰ Πνεύματος Ἁγίου τοῦ ἐνοικοῦντος ἐν ἡμῖν. 15 Οἶδας τοῦτο, ὅτι ἀπεστράφησάν με πάντες οἱ ἐν τῇ Ἀσίᾳ, ὧν ἐστιν Φύγελος καὶ Ἑρμογένης. 16 δῴη ἔλεος ὁ Κύριος τῷ Ὀνησιφόρου οἴκῳ, ὅτι πολλάκις με ἀνέψυξεν, καὶ τὴν ἅλυσίν μου οὐκ ἐπαισχύνθη, 17 ἀλλὰ γενόμενος ἐν Ῥώμῃ σπουδαίως ἐζήτησέν με καὶ εὗρεν·— 18 δῴη αὐτῷ ὁ Κύριος εὑρεῖν ἔλεος παρὰ Κυρίου ἐν ἐκείνῃ τῇ ἡμέρᾳ·— καὶ ὅσα ἐν Ἐφέσῳ διηκόνησεν, βέλτιον σὺ γινώσκεις.
PROS TIMOTHEON B
Transliteration Society of Biblical Literature
1: 1 Paulos apostolos Christou Iēsou dia thelēmatos Theou kat’ epangelian zōēs tēs en Christō Iēsou 2 Timotheō agapētō teknō; charis, eleos, eirēnē apo Theou Patros kai Christou Iēsou tou Kyriou hēmōn.
3 Charin echō tō Theō, hō latreuō apo progonōn en kathara syneidēsei, hōs adialeipton echō tēn peri sou mneian en tais deēsesin mou nyktos kai hēmeras, 4 epipothōn se idein, memnēmenos sou tōn dakryōn, hina charas plērōthō, 5 hypomnēsin labōn tēs en soi anypokritou pisteōs, hētis enōkēsen prōton en tē mammē sou Lōidi kai tē mētri sou Eunikē, pepeismai de hoti kai en soi. 6 Di’ hēn aitian anamimnēskō se anazōpyrein to charisma tou Theou, ho estin en soi dia tēs epitheseōs tōn cheirōn mou. 7 ou gar edōken hēmin ho Theos pneuma deilias, alla dynameōs kai agapēs kai sōphronismou. 8 Mē oun epaischynthēs to martyrion tou Kyriou hēmōn mēde eme ton desmion autou, alla synkakopathēson tō euangeliō kata dynamin Theou, 9 tou sōsantos hēmas kai kalesantos klēsei hagia, ou kata ta erga hēmōn alla kata idian prothesin kai charin, tēn dotheisan hēmin en Christō Iēsou pro chronōn aiōniōn, 10 phanerōtheisan de nyn dia tēs epiphaneias tou Sōtēros hēmōn Christou Iēsou, katargēsantos men ton thanaton phōtisantos de zōēn kai aphtharsian dia tou euangeliou, 11 eis ho etethēn egō kēryx kai apostolos kai didaskalos; 12 di’ hēn aitian kai tauta paschō, all’ ouk epaischynomai, oida gar hō pepisteuka, kai pepeismai hoti dynatos estin tēn parathēkēn mou phylaxai eis ekeinēn tēn hēmeran. 13 hypotypōsin eche hygiainontōn logōn hōn par’ emou ēkousas en pistei kai agapē tē en Christō Iēsou; 14 tēn kalēn parathēkēn phylaxon dia Pneumatos Hagiou tou enoikountos en hēmin. 15 Oidas touto, hoti apestraphēsan me pantes hoi en tē Asia, hōn estin Phygelos kai Hermogenēs. 16 dōē eleos ho Kyrios tō Onēsiphorou oikō, hoti pollakis me anepsyxen, kai tēn halysin mou ouk epaischynthē, 17 alla genomenos en Rhōmē spoudaiōs ezētēsen me kai heuren;— 18 dōē autō ho Kyrios heurein eleos para Kyriou en ekeinē tē hēmera;— kai hosa en Ephesō diēkonēsen, beltion sy ginōskeis.
2: 1 Σὺ οὖν, τέκνον μου, ἐνδυναμοῦ ἐν τῇ χάριτι τῇ ἐν Χριστῷ Ἰησοῦ, 2 καὶ ἃ ἤκουσας παρ’ ἐμοῦ διὰ πολλῶν μαρτύρων, ταῦτα παράθου πιστοῖς ἀνθρώποις, οἵτινες ἱκανοὶ ἔσονται καὶ ἑτέρους διδάξαι. 3 συνκακοπάθησον ὡς καλὸς στρατιώτης Χριστοῦ Ἰησοῦ. 4 οὐδεὶς στρατευόμενος ἐμπλέκεται ταῖς τοῦ βίου πραγματείαις, ἵνα τῷ στρατολογήσαντι ἀρέσῃ. 5 ἐὰν δὲ καὶ ἀθλῇ τις, οὐ στεφανοῦται ἐὰν μὴ νομίμως ἀθλήσῃ. 6 τὸν κοπιῶντα γεωργὸν δεῖ πρῶτον τῶν καρπῶν μεταλαμβάνειν. 7 νόει ὃ λέγω· δώσει γάρ σοι ὁ Κύριος σύνεσιν ἐν πᾶσιν. 8 Μνημόνευε Ἰησοῦν Χριστὸν ἐγηγερμένον ἐκ νεκρῶν, ἐκ σπέρματος Δαυείδ, κατὰ τὸ εὐαγγέλιόν μου· 9 ἐν ᾧ κακοπαθῶ μέχρι δεσμῶν ὡς κακοῦργος, ἀλλὰ ὁ λόγος τοῦ Θεοῦ οὐ δέδεται. 10 διὰ τοῦτο πάντα ὑπομένω διὰ τοὺς ἐκλεκτούς, ἵνα καὶ αὐτοὶ σωτηρίας τύχωσιν τῆς ἐν Χριστῷ Ἰησοῦ μετὰ δόξης αἰωνίου. 11 Πιστὸς ὁ λόγος· εἰ γὰρ συναπεθάνομεν, καὶ συζήσομεν· 12 εἰ ὑπομένομεν, καὶ συνβασιλεύσομεν· εἰ ἀρνησόμεθα, κἀκεῖνος ἀρνήσεται ἡμᾶς· 13 εἰ ἀπιστοῦμεν, ἐκεῖνος πιστὸς μένει, ἀρνήσασθαι γὰρ ἑαυτὸν οὐ δύναται. 14 Ταῦτα ὑπομίμνῃσκε, διαμαρτυρόμενος ἐνώπιον τοῦ Θεοῦ μὴ λογομαχεῖν, ἐπ’ οὐδὲν χρήσιμον, ἐπὶ καταστροφῇ τῶν ἀκουόντων. 15 σπούδασον σεαυτὸν δόκιμον παραστῆσαι τῷ Θεῷ, ἐργάτην ἀνεπαίσχυντον, ὀρθοτομοῦντα τὸν λόγον τῆς ἀληθείας. 16 τὰς δὲ βεβήλους κενοφωνίας περιΐστασο· ἐπὶ πλεῖον γὰρ προκόψουσιν ἀσεβείας, 17 καὶ ὁ λόγος αὐτῶν ὡς γάγγραινα νομὴν ἕξει· ὧν ἐστιν Ὑμέναιος καὶ Φιλητός, 18 οἵτινες περὶ τὴν ἀλήθειαν ἠστόχησαν, λέγοντες ἀνάστασιν ἤδη γεγονέναι, καὶ ἀνατρέπουσιν τήν τινων πίστιν. 19 ὁ μέντοι στερεὸς θεμέλιος τοῦ Θεοῦ ἕστηκεν, ἔχων τὴν σφραγῖδα ταύτην Ἔγνω Κύριος τοὺς ὄντας αὐτοῦ, καί Ἀποστήτω ἀπὸ ἀδικίας πᾶς ὁ ὀνομάζων τὸ ὄνομα Κυρίου. 20 ἐν μεγάλῃ δὲ οἰκίᾳ οὐκ ἔστιν μόνον σκεύη χρυσᾶ καὶ ἀργυρᾶ, ἀλλὰ καὶ ξύλινα καὶ ὀστράκινα, καὶ ἃ μὲν εἰς τιμὴν ἃ δὲ εἰς ἀτιμίαν· 21 ἐὰν οὖν τις ἐκκαθάρῃ ἑαυτὸν ἀπὸ τούτων, ἔσται σκεῦος εἰς τιμήν, ἡγιασμένον, εὔχρηστον τῷ δεσπότῃ, εἰς πᾶν ἔργον ἀγαθὸν ἡτοιμασμένον. 22 τὰς δὲ νεωτερικὰς ἐπιθυμίας φεῦγε, δίωκε δὲ δικαιοσύνην, πίστιν, ἀγάπην, εἰρήνην μετὰ τῶν ἐπικαλουμένων τὸν Κύριον ἐκ καθαρᾶς καρδίας. 23 τὰς δὲ μωρὰς καὶ ἀπαιδεύτους ζητήσεις παραιτοῦ, εἰδὼς ὅτι γεννῶσιν μάχας· 24 δοῦλον δὲ Κυρίου οὐ δεῖ μάχεσθαι ἀλλὰ ἤπιον εἶναι πρὸς πάντας, διδακτικόν, ἀνεξίκακον, 25 ἐν πραΰτητι παιδεύοντα τοὺς ἀντιδιατιθεμένους, μή ποτε δώῃ αὐτοῖς ὁ Θεὸς μετάνοιαν εἰς ἐπίγνωσιν ἀληθείας, 26 καὶ ἀνανήψωσιν ἐκ τῆς τοῦ διαβόλου παγίδος, ἐζωγρημένοι ὑπ’ αὐτοῦ εἰς τὸ ἐκείνου θέλημα.
2: 1 Sy oun, teknon mou, endynamou en tē chariti tē en Christō Iēsou, 2 kai ha ēkousas par’ emou dia pollōn martyrōn, tauta parathou pistois anthrōpois, hoitines hikanoi esontai kai heterous didaxai. 3 synkakopathēson hōs kalos stratiōtēs Christou Iēsou. 4 oudeis strateuomenos empleketai tais tou biou pragmateiais, hina tō stratologēsanti aresē. 5 ean de kai athlē tis, ou stephanoutai ean mē nomimōs athlēsē. 6 ton kopiōnta geōrgon dei prōton tōn karpōn metalambanein. 7 noei ho legō; dōsei gar soi ho Kyrios synesin en pasin. 8 Mnēmoneue Iēsoun Christon egēgermenon ek nekrōn, ek spermatos Daueid, kata to euangelion mou; 9 en hō kakopathō mechri desmōn hōs kakourgos, alla ho logos tou Theou ou dedetai. 10 dia touto panta hypomenō dia tous eklektous, hina kai autoi sōtērias tychōsin tēs en Christō Iēsou meta doxēs aiōniou. 11 Pistos ho logos; ei gar synapethanomen, kai syzēsomen; 12 ei hypomenomen, kai synbasileusomen; ei arnēsometha, kakeinos arnēsetai hēmas; 13 ei apistoumen, ekeinos pistos menei, arnēsasthai gar heauton ou dynatai. 14 Tauta hypomimnēske, diamartyromenos enōpion tou Theou mē logomachein, ep’ ouden chrēsimon, epi katastrophē tōn akouontōn. 15 spoudason seauton dokimon parastēsai tō Theō, ergatēn anepaischynton, orthotomounta ton logon tēs alētheias. 16 tas de bebēlous kenophōnias periistaso; epi pleion gar prokopsousin asebeias, 17 kai ho logos autōn hōs gangraina nomēn hexei; hōn estin Hymenaios kai Philētos, 18 hoitines peri tēn alētheian ēstochēsan, legontes anastasin ēdē gegonenai, kai anatrepousin tēn tinōn pistin. 19 ho mentoi stereos themelios tou Theou hestēken, echōn tēn sphragida tautēn Egnō Kyrios tous ontas autou, kai Apostētō apo adikias pas ho onomazōn to onoma Kyriou. 20 en megalē de oikia ouk estin monon skeuē chrysa kai argyra, alla kai xylina kai ostrakina, kai ha men eis timēn ha de eis atimian; 21 ean oun tis ekkatharē heauton apo toutōn, estai skeuos eis timēn, hēgiasmenon, euchrēston tō despotē, eis pan ergon agathon hētoimasmenon. 22 tas de neōterikas epithymias pheuge, diōke de dikaiosynēn, pistin, agapēn, eirēnēn meta tōn epikaloumenōn ton Kyrion ek katharas kardias. 23 tas de mōras kai apaideutous zētēseis paraitou, eidōs hoti gennōsin machas; 24 doulon de Kyriou ou dei machesthai alla ēpion einai pros pantas, didaktikon, anexikakon, 25 en prautēti paideuonta tous antidiatithemenous, mē pote dōē autois ho Theos metanoian eis epignōsin alētheias, 26 kai ananēpsōsin ek tēs tou diabolou pagidos, ezōgrēmenoi hyp’ autou eis to ekeinou thelēma.
3: 1 Τοῦτο δὲ γίνωσκε, ὅτι ἐν ἐσχάταις ἡμέραις ἐνστήσονται καιροὶ χαλεποί· 2 ἔσονται γὰρ οἱ ἄνθρωποι φίλαυτοι, φιλάργυροι, ἀλαζόνες, ὑπερήφανοι, βλάσφημοι, γονεῦσιν ἀπειθεῖς, ἀχάριστοι, ἀνόσιοι, 3 ἄστοργοι, ἄσπονδοι, διάβολοι, ἀκρατεῖς, ἀνήμεροι, ἀφιλάγαθοι, 4 προδόται, προπετεῖς, τετυφωμένοι, φιλήδονοι μᾶλλον ἢ φιλόθεοι, 5 ἔχοντες μόρφωσιν εὐσεβείας τὴν δὲ δύναμιν αὐτῆς ἠρνημένοι· καὶ τούτους ἀποτρέπου. 6 ἐκ τούτων γάρ εἰσιν οἱ ἐνδύνοντες εἰς τὰς οἰκίας καὶ αἰχμαλωτίζοντες γυναικάρια σεσωρευμένα ἁμαρτίαις, ἀγόμενα ἐπιθυμίαις ποικίλαις, 7 πάντοτε μανθάνοντα καὶ μηδέποτε εἰς ἐπίγνωσιν ἀληθείας ἐλθεῖν δυνάμενα. 8 ὃν τρόπον δὲ Ἰάννης καὶ Ἰαμβρῆς ἀντέστησαν Μωϋσεῖ, οὕτως καὶ οὗτοι ἀνθίστανται τῇ ἀληθείᾳ, ἄνθρωποι κατεφθαρμένοι τὸν νοῦν, ἀδόκιμοι περὶ τὴν πίστιν. 9 ἀλλ’ οὐ προκόψουσιν ἐπὶ πλεῖον· ἡ γὰρ ἄνοια αὐτῶν ἔκδηλος ἔσται πᾶσιν, ὡς καὶ ἡ ἐκείνων ἐγένετο. 10 Σὺ δὲ παρηκολούθησάς μου τῇ διδασκαλίᾳ, τῇ ἀγωγῇ, τῇ προθέσει, τῇ πίστει, τῇ μακροθυμίᾳ, τῇ ἀγάπῃ, τῇ ὑπομονῇ, 11 τοῖς διωγμοῖς, τοῖς παθήμασιν, οἷά μοι ἐγένετο ἐν Ἀντιοχείᾳ, ἐν Ἰκονίῳ, ἐν Λύστροις· οἵους διωγμοὺς ὑπήνεγκα, καὶ ἐκ πάντων με ἐρύσατο ὁ Κύριος. 12 καὶ πάντες δὲ οἱ θέλοντες ζῆν εὐσεβῶς ἐν Χριστῷ Ἰησοῦ διωχθήσονται. 13 πονηροὶ δὲ ἄνθρωποι καὶ γόητες προκόψουσιν ἐπὶ τὸ χεῖρον, πλανῶντες καὶ πλανώμενοι. 14 σὺ δὲ μένε ἐν οἷς ἔμαθες καὶ ἐπιστώθης, εἰδὼς παρὰ τίνων ἔμαθες, 15 καὶ ὅτι ἀπὸ βρέφους ἱερὰ γράμματα οἶδας, τὰ δυνάμενά σε σοφίσαι εἰς σωτηρίαν διὰ πίστεως τῆς ἐν Χριστῷ Ἰησοῦ. 16 πᾶσα γραφὴ θεόπνευστος καὶ ὠφέλιμος πρὸς διδασκαλίαν, πρὸς ἐλεγμόν, πρὸς ἐπανόρθωσιν, πρὸς παιδείαν τὴν ἐν δικαιοσύνῃ, 17 ἵνα ἄρτιος ᾖ ὁ τοῦ Θεοῦ ἄνθρωπος, πρὸς πᾶν ἔργον ἀγαθὸν ἐξηρτισμένος.
3: 1 Touto de ginōske, hoti en eschatais hēmerais enstēsontai kairoi chalepoi; 2 esontai gar hoi anthrōpoi philautoi, philargyroi, alazones, hyperēphanoi, blasphēmoi, goneusin apeitheis, acharistoi, anosioi, 3 astorgoi, aspondoi, diaboloi, akrateis, anēmeroi, aphilagathoi, 4 prodotai, propeteis, tetyphōmenoi, philēdonoi mallon ē philotheoi, 5 echontes morphōsin eusebeias tēn de dynamin autēs ērnēmenoi; kai toutous apotrepou. 6 ek toutōn gar eisin hoi endynontes eis tas oikias kai aichmalōtizontes gynaikaria sesōreumena hamartiais, agomena epithymiais poikilais, 7 pantote manthanonta kai mēdepote eis epignōsin alētheias elthein dynamena. 8 hon tropon de Iannēs kai Iambrēs antestēsan Mōusei, houtōs kai houtoi anthistantai tē alētheia, anthrōpoi katephtharmenoi ton noun, adokimoi peri tēn pistin. 9 all’ ou prokopsousin epi pleion; hē gar anoia autōn ekdēlos estai pasin, hōs kai hē ekeinōn egeneto. 10 Sy de parēkolouthēsas mou tē didaskalia, tē agōgē, tē prothesei, tē pistei, tē makrothymia, tē agapē, tē hypomonē, 11 tois diōgmois, tois pathēmasin, hoia moi egeneto en Antiocheia, en Ikoniō, en Lystrois; hoious diōgmous hypēnenka, kai ek pantōn me erysato ho Kyrios. 12 kai pantes de hoi thelontes zēn eusebōs en Christō Iēsou diōchthēsontai. 13 ponēroi de anthrōpoi kai goētes prokopsousin epi to cheiron, planōntes kai planōmenoi. 14 sy de mene en hois emathes kai epistōthēs, eidōs para tinōn emathes, 15 kai hoti apo brephous hiera grammata oidas, ta dynamena se sophisai eis sōtērian dia pisteōs tēs en Christō Iēsou. 16 pasa graphē theopneustos kai ōphelimos pros didaskalian, pros elegmon, pros epanorthōsin, pros paideian tēn en dikaiosynē, 17 hina artios ē ho tou Theou anthrōpos, pros pan ergon agathon exērtismenos.
4: 1 Διαμαρτύρομαι ἐνώπιον τοῦ Θεοῦ καὶ Χριστοῦ Ἰησοῦ, τοῦ μέλλοντος κρίνειν ζῶντας καὶ νεκρούς, καὶ τὴν ἐπιφάνειαν αὐτοῦ καὶ τὴν βασιλείαν αὐτοῦ· 2 κήρυξον τὸν λόγον, ἐπίστηθι εὐκαίρως ἀκαίρως, ἔλεγξον, ἐπιτίμησον, παρακάλεσον, ἐν πάσῃ μακροθυμίᾳ καὶ διδαχῇ. 3 ἔσται γὰρ καιρὸς ὅτε τῆς ὑγιαινούσης διδασκαλίας οὐκ ἀνέξονται, ἀλλὰ κατὰ τὰς ἰδίας ἐπιθυμίας ἑαυτοῖς ἐπισωρεύσουσιν διδασκάλους κνηθόμενοι τὴν ἀκοήν, 4 καὶ ἀπὸ μὲν τῆς ἀληθείας τὴν ἀκοὴν ἀποστρέψουσιν, ἐπὶ δὲ τοὺς μύθους ἐκτραπήσονται. 5 σὺ δὲ νῆφε ἐν πᾶσιν, κακοπάθησον, ἔργον ποίησον εὐαγγελιστοῦ, τὴν διακονίαν σου πληροφόρησον. 6 Ἐγὼ γὰρ ἤδη σπένδομαι, καὶ ὁ καιρὸς τῆς ἀναλύσεώς μου ἐφέστηκεν. 7 τὸν καλὸν ἀγῶνα ἠγώνισμαι, τὸν δρόμον τετέλεκα, τὴν πίστιν τετήρηκα· 8 λοιπὸν ἀπόκειταί μοι ὁ τῆς δικαιοσύνης στέφανος, ὃν ἀποδώσει μοι ὁ κύριος ἐν ἐκείνῃ τῇ ἡμέρᾳ, ὁ δίκαιος κριτής, οὐ μόνον δὲ ἐμοὶ ἀλλὰ καὶ πᾶσι τοῖς ἠγαπηκόσι τὴν ἐπιφάνειαν αὐτοῦ.
9 Σπούδασον ἐλθεῖν πρός με ταχέως· 10 Δημᾶς γάρ με ἐγκατέλιπεν ἀγαπήσας τὸν νῦν αἰῶνα, καὶ ἐπορεύθη εἰς Θεσσαλονίκην, Κρήσκης εἰς Γαλατίαν, Τίτος εἰς Δαλματίαν· 11 Λουκᾶς ἐστιν μόνος μετ’ ἐμοῦ. Μᾶρκον ἀναλαβὼν ἄγε μετὰ σεαυτοῦ· ἔστιν γάρ μοι εὔχρηστος εἰς διακονίαν. 12 Τυχικὸν δὲ ἀπέστειλα εἰς Ἔφεσον. 13 τὸν φελόνην, ὃν ἀπέλιπον ἐν Τρῳάδι παρὰ Κάρπῳ, ἐρχόμενος φέρε, καὶ τὰ βιβλία, μάλιστα τὰς μεμβράνας. 14 Ἀλέξανδρος ὁ χαλκεὺς πολλά μοι κακὰ ἐνεδείξατο· ἀποδώσει αὐτῷ ὁ Κύριος κατὰ τὰ ἔργα αὐτοῦ· 15 ὃν καὶ σὺ φυλάσσου· λίαν γὰρ ἀντέστη τοῖς ἡμετέροις λόγοις. 16 Ἐν τῇ πρώτῃ μου ἀπολογίᾳ οὐδείς μοι παρεγένετο, ἀλλὰ πάντες με ἐγκατέλιπον· μὴ αὐτοῖς λογισθείη· 17 ὁ δὲ Κύριός μοι παρέστη καὶ ἐνεδυνάμωσέν με, ἵνα δι’ ἐμοῦ τὸ κήρυγμα πληροφορηθῇ καὶ ἀκούσωσιν πάντα τὰ ἔθνη, καὶ ἐρύσθην ἐκ στόματος λέοντος. 18 ῥύσεταί με ὁ Κύριος ἀπὸ παντὸς ἔργου πονηροῦ καὶ σώσει εἰς τὴν βασιλείαν αὐτοῦ τὴν ἐπουράνιον· ᾧ ἡ δόξα εἰς τοὺς αἰῶνας τῶν αἰώνων, ἀμήν.
19 Ἄσπασαι Πρίσκαν καὶ Ἀκύλαν καὶ τὸν Ὀνησιφόρου οἶκον. 20 Ἔραστος ἔμεινεν ἐν Κορίνθῳ, Τρόφιμον δὲ ἀπέλιπον ἐν Μιλήτῳ ἀσθενοῦντα. 21 Σπούδασον πρὸ χειμῶνος ἐλθεῖν. Ἀσπάζεταί σε Εὔβουλος καὶ Πούδης καὶ Λίνος καὶ Κλαυδία καὶ οἱ ἀδελφοὶ πάντες.
22 Ὁ Κύριος μετὰ τοῦ πνεύματός σου. ἡ χάρις μεθ’ ὑμῶν.
4: 1 Diamartyromai enōpion tou Theou kai Christou Iēsou, tou mellontos krinein zōntas kai nekrous, kai tēn epiphaneian autou kai tēn basileian autou; 2 kēryxon ton logon, epistēthi eukairōs akairōs, elenxon, epitimēson, parakaleson, en pasē makrothymia kai didachē. 3 estai gar kairos hote tēs hygiainousēs didaskalias ouk anexontai, alla kata tas idias epithymias heautois episōreusousin didaskalous knēthomenoi tēn akoēn, 4 kai apo men tēs alētheias tēn akoēn apostrepsousin, epi de tous mythous ektrapēsontai. 5 sy de nēphe en pasin, kakopathēson, ergon poiēson euangelistou, tēn diakonian sou plērophorēson. 6 Egō gar ēdē spendomai, kai ho kairos tēs analyseōs mou ephestēken. 7 ton kalon agōna ēgōnismai, ton dromon teteleka, tēn pistin tetērēka; 8 loipon apokeitai moi ho tēs dikaiosynēs stephanos, hon apodōsei moi ho kyrios en ekeinē tē hēmera, ho dikaios kritēs, ou monon de emoi alla kai pasi tois ēgapēkosi tēn epiphaneian autou.
9 Spoudason elthein pros me tacheōs; 10 Dēmas gar me enkatelipen agapēsas ton nyn aiōna, kai eporeuthē eis Thessalonikēn, Krēskēs eis Galatian, Titos eis Dalmatian; 11 Loukas estin monos met’ emou. Markon analabōn age meta seautou; estin gar moi euchrēstos eis diakonian. 12 Tychikon de apesteila eis Epheson. 13 ton phelonēn, hon apelipon en Trōadi para Karpō, erchomenos phere, kai ta biblia, malista tas membranas. 14 Alexandros ho chalkeus polla moi kaka enedeixato; apodōsei autō ho Kyrios kata ta erga autou; 15 hon kai sy phylassou; lian gar antestē tois hēmeterois logois. 16 En tē prōtē mou apologia oudeis moi paregeneto, alla pantes me enkatelipon; mē autois logistheiē; 17 ho de Kyrios moi parestē kai enedynamōsen me, hina di’ emou to kērygma plērophorēthē kai akousōsin panta ta ethnē, kai erysthēn ek stomatos leontos. 18 rhysetai me ho Kyrios apo pantos ergou ponērou kai sōsei eis tēn basileian autou tēn epouranion; hō hē doxa eis tous aiōnas tōn aiōnōn, amēn.
19 Aspasai Priskan kai Akylan kai ton Onēsiphorou oikon. 20 Erastos emeinen en Korinthō, Trophimon de apelipon en Milētō asthenounta. 21 Spoudason pro cheimōnos elthein. Aspazetai se Euboulos kai Poudēs kai Linos kai Klaudia kai hoi adelphoi pantes.
22 HO Kyrios meta tou pneumatos sou. hē charis meth’ hymōn.
Sursa Noul Testament, Eberhard Nestle, 1904
(comparat cu ediţia din 1913 – textul dintre paranteze)
https://sites.google.com/site/nestle1904/2-timothy
Transliterarea s-a făcut pe siteul
Varianta transliterării
Society of Biblical Literature
2021, Floreşti-Cluj
Niciun comentariu:
Trimiteți un comentariu