ΠΡΟΣ ΕΒΡΑΙΟΥΣ
NT Nestle 1904
1: 1 Πολυμερῶς καὶ πολυτρόπως πάλαι ὁ Θεὸς λαλήσας τοῖς πατράσιν ἐν τοῖς προφήταις 2 ἐπ’ ἐσχάτου τῶν ἡμερῶν τούτων ἐλάλησεν ἡμῖν ἐν Υἱῷ, ὃν ἔθηκεν κληρονόμον πάντων, δι’ οὗ καὶ ἐποίησεν τοὺς αἰῶνας· 3 ὃς ὢν ἀπαύγασμα τῆς δόξης καὶ χαρακτὴρ τῆς ὑποστάσεως αὐτοῦ, φέρων τε τὰ πάντα τῷ ῥήματι τῆς δυνάμεως αὐτοῦ, καθαρισμὸν τῶν ἁμαρτιῶν ποιησάμενος ἐκάθισεν ἐν δεξιᾷ τῆς Μεγαλωσύνης ἐν ὑψηλοῖς, 4 τοσούτῳ κρείττων γενόμενος τῶν ἀγγέλων ὅσῳ διαφορώτερον παρ’ αὐτοὺς κεκληρονόμηκεν ὄνομα. 5 Τίνι γὰρ εἶπέν ποτε τῶν ἀγγέλων
Υἱός μου εἶ σύ, ἐγὼ σήμερον γεγέννηκά σε;
καὶ πάλιν
Ἐγὼ ἔσομαι αὐτῷ εἰς Πατέρα, καὶ αὐτὸς ἔσται μοι εἰς Υἱόν;
6 ὅταν δὲ πάλιν εἰσαγάγῃ τὸν πρωτότοκον εἰς τὴν οἰκουμένην, λέγει
Καὶ προσκυνησάτωσαν αὐτῷ πάντες ἄγγελοι Θεοῦ.
7 καὶ πρὸς μὲν τοὺς ἀγγέλους λέγει
Ὁ ποιῶν τοὺς ἀγγέλους αὐτοῦ πνεύματα,
καὶ τοὺς λειτουργοὺς αὐτοῦ πυρὸς φλόγα·
8 πρὸς δὲ τὸν Υἱόν
Ὁ θρόνος σου ὁ Θεὸς εἰς τὸν αἰῶνα τοῦ αἰῶνος,
καὶ ἡ ῥάβδος τῆς εὐθύτητος ῥάβδος τῆς βασιλείας αὐτοῦ.
9 ἠγάπησας δικαιοσύνην καὶ ἐμίσησας ἀνομίαν·
διὰ τοῦτο ἔχρισέν σε, ὁ Θεός, ὁ Θεός σου ἔλαιον ἀγαλλιάσεως παρὰ τοὺς μετόχους σου.
10 καί
Σὺ κατ’ ἀρχάς, Κύριε, τὴν γῆν ἐθεμελίωσας,
καὶ ἔργα τῶν χειρῶν σού εἰσιν οἱ οὐρανοί·
11 αὐτοὶ ἀπολοῦνται, σὺ δὲ διαμένεις·
καὶ πάντες ὡς ἱμάτιον παλαιωθήσονται,
12 καὶ ὡσεὶ περιβόλαιον ἑλίξεις αὐτούς,
ὡς ἱμάτιον καὶ ἀλλαγήσονται·
σὺ δὲ ὁ αὐτὸς εἶ καὶ τὰ ἔτη σου οὐκ ἐκλείψουσιν.
13 πρὸς τίνα δὲ τῶν ἀγγέλων εἴρηκέν ποτε
Κάθου ἐκ δεξιῶν μου
ἕως ἂν θῶ τοὺς ἐχθρούς σου ὑποπόδιον τῶν ποδῶν σου;
14 οὐχὶ πάντες εἰσὶν λειτουργικὰ πνεύματα εἰς διακονίαν ἀποστελλόμενα διὰ τοὺς μέλλοντας κληρονομεῖν σωτηρίαν;
PROS EBRAIOUS
Transliteration Society of Biblical Literature
1: 1 Polymerōs kai polytropōs palai ho Theos lalēsas tois patrasin en tois prophētais 2 ep’ eschatou tōn hēmerōn toutōn elalēsen hēmin en Huiō, hon ethēken klēronomon pantōn, di’ hou kai epoiēsen tous aiōnas; 3 hos ōn apaugasma tēs doxēs kai charaktēr tēs hypostaseōs autou, pherōn te ta panta tō rhēmati tēs dynameōs autou, katharismon tōn hamartiōn poiēsamenos ekathisen en dexia tēs Megalōsynēs en hypsēlois, 4 tosoutō kreittōn genomenos tōn angelōn hosō diaphorōteron par’ autous keklēronomēken onoma. 5 Tini gar eipen pote tōn angelōn
Huios mou ei sy, egō sēmeron gegennēka se?
kai palin
Egō esomai autō eis Patera, kai autos estai moi eis Huion?
6 hotan de palin eisagagē ton prōtotokon eis tēn oikoumenēn, legei
Kai proskynēsatōsan autō pantes angeloi Theou.
7 kai pros men tous angelous legei
HO poiōn tous angelous autou pneumata,
kai tous leitourgous autou pyros phloga;
8 pros de ton Huion
HO thronos sou ho Theos eis ton aiōna tou aiōnos,
kai hē rhabdos tēs euthytētos rhabdos tēs basileias autou.
9 ēgapēsas dikaiosynēn kai emisēsas anomian;
dia touto echrisen se, ho Theos, ho Theos sou elaion agalliaseōs para tous metochous sou.
10 kai
Sy kat’ archas, Kyrie, tēn gēn ethemeliōsas,
kai erga tōn cheirōn sou eisin hoi ouranoi;
11 autoi apolountai, sy de diameneis;
kai pantes hōs himation palaiōthēsontai,
12 kai hōsei peribolaion helixeis autous,
hōs himation kai allagēsontai;
sy de ho autos ei kai ta etē sou ouk ekleipsousin.
13 pros tina de tōn angelōn eirēken pote
Kathou ek dexiōn mou
heōs an thō tous echthrous sou hypopodion tōn podōn sou?
14 ouchi pantes eisin leitourgika pneumata eis diakonian apostellomena dia tous mellontas klēronomein sōtērian?
2: 1 Διὰ τοῦτο δεῖ περισσοτέρως προσέχειν ἡμᾶς τοῖς ἀκουσθεῖσιν, μή ποτε παραρυῶμεν. 2 εἰ γὰρ ὁ δι’ ἀγγέλων λαληθεὶς λόγος ἐγένετο βέβαιος, καὶ πᾶσα παράβασις καὶ παρακοὴ ἔλαβεν ἔνδικον μισθαποδοσίαν, 3 πῶς ἡμεῖς ἐκφευξόμεθα τηλικαύτης ἀμελήσαντες σωτηρίας; ἥτις ἀρχὴν λαβοῦσα λαλεῖσθαι διὰ τοῦ Κυρίου, ὑπὸ τῶν ἀκουσάντων εἰς ἡμᾶς ἐβεβαιώθη, 4 συνεπιμαρτυροῦντος τοῦ Θεοῦ σημείοις τε καὶ τέρασιν καὶ ποικίλαις δυνάμεσιν καὶ Πνεύματος Ἁγίου μερισμοῖς κατὰ τὴν αὐτοῦ θέλησιν.
5 Οὐ γὰρ ἀγγέλοις ὑπέταξεν τὴν οἰκουμένην τὴν μέλλουσαν, περὶ ἧς λαλοῦμεν. 6 διεμαρτύρατο δέ πού τις λέγων
Τί ἐστιν ἄνθρωπος ὅτι μιμνῄσκῃ αὐτοῦ;
ἢ υἱὸς ἀνθρώπου ὅτι ἐπισκέπτῃ αὐτόν;
7 ἠλάττωσας αὐτὸν βραχύ τι παρ’ ἀγγέλους,
δόξῃ καὶ τιμῇ ἐστεφάνωσας αὐτόν,
8 πάντα ὑπέταξας ὑποκάτω τῶν ποδῶν αὐτοῦ.
ἐν τῷ γὰρ ὑποτάξαι αὐτῷ τὰ πάντα οὐδὲν ἀφῆκεν αὐτῷ ἀνυπότακτον. νῦν δὲ οὔπω ὁρῶμεν αὐτῷ τὰ πάντα ὑποτεταγμένα· 9 τὸν δὲ βραχύ τι παρ’ ἀγγέλους ἠλαττωμένον βλέπομεν Ἰησοῦν διὰ τὸ πάθημα τοῦ θανάτου δόξῃ καὶ τιμῇ ἐστεφανωμένον, ὅπως χάριτι Θεοῦ ὑπὲρ παντὸς γεύσηται θανάτου. 10 Ἔπρεπεν γὰρ αὐτῷ, δι’ ὃν τὰ πάντα καὶ δι’ οὗ τὰ πάντα, πολλοὺς υἱοὺς εἰς δόξαν ἀγαγόντα τὸν ἀρχηγὸν τῆς σωτηρίας αὐτῶν διὰ παθημάτων τελειῶσαι. 11 ὅ τε γὰρ ἁγιάζων καὶ οἱ ἁγιαζόμενοι ἐξ ἑνὸς πάντες· δι’ ἣν αἰτίαν οὐκ ἐπαισχύνεται ἀδελφοὺς αὐτοὺς καλεῖν, 12 λέγων
Ἀπαγγελῶ τὸ ὄνομά σου τοῖς ἀδελφοῖς μου,
ἐν μέσῳ ἐκκλησίας ὑμνήσω σε·
13 καὶ πάλιν
Ἐγὼ ἔσομαι πεποιθὼς ἐπ’ αὐτῷ·
καὶ πάλιν
Ἰδοὺ ἐγὼ καὶ τὰ παιδία ἅ μοι ἔδωκεν ὁ Θεός.
14 ἐπεὶ οὖν τὰ παιδία κεκοινώνηκεν αἵματος καὶ σαρκός, καὶ αὐτὸς παραπλησίως μετέσχεν τῶν αὐτῶν, ἵνα διὰ τοῦ θανάτου καταργήσῃ τὸν τὸ κράτος ἔχοντα τοῦ θανάτου, τοῦτ’ ἔστιν τὸν διάβολον, 15 καὶ ἀπαλλάξῃ τούτους, ὅσοι φόβῳ θανάτου διὰ παντὸς τοῦ ζῆν ἔνοχοι ἦσαν δουλείας. 16 οὐ γὰρ δήπου ἀγγέλων ἐπιλαμβάνεται, ἀλλὰ σπέρματος Ἀβραὰμ ἐπιλαμβάνεται. 17 ὅθεν ὤφειλεν κατὰ πάντα τοῖς ἀδελφοῖς ὁμοιωθῆναι, ἵνα ἐλεήμων γένηται καὶ πιστὸς ἀρχιερεὺς τὰ πρὸς τὸν Θεόν, εἰς τὸ ἱλάσκεσθαι τὰς ἁμαρτίας τοῦ λαοῦ. 18 ἐν ᾧ γὰρ πέπονθεν αὐτὸς πειρασθείς, δύναται τοῖς πειραζομένοις βοηθῆσαι.
2: 1 Dia touto dei perissoterōs prosechein hēmas tois akoustheisin, mē pote pararyōmen. 2 ei gar ho di’ angelōn lalētheis logos egeneto bebaios, kai pasa parabasis kai parakoē elaben endikon misthapodosian, 3 pōs hēmeis ekpheuxometha tēlikautēs amelēsantes sōtērias? hētis archēn labousa laleisthai dia tou Kyriou, hypo tōn akousantōn eis hēmas ebebaiōthē, 4 synepimartyrountos tou Theou sēmeiois te kai terasin kai poikilais dynamesin kai Pneumatos Hagiou merismois kata tēn autou thelēsin.
5 Ou gar angelois hypetaxen tēn oikoumenēn tēn mellousan, peri hēs laloumen. 6 diemartyrato de pou tis legōn
Ti estin anthrōpos hoti mimnēskē autou?
ē huios anthrōpou hoti episkeptē auton?
7 ēlattōsas auton brachy ti par’ angelous,
doxē kai timē estephanōsas auton,
8 panta hypetaxas hypokatō tōn podōn autou.
en tō gar hypotaxai autō ta panta ouden aphēken autō anypotakton. nyn de oupō horōmen autō ta panta hypotetagmena; 9 ton de brachy ti par’ angelous ēlattōmenon blepomen Iēsoun dia to pathēma tou thanatou doxē kai timē estephanōmenon, hopōs chariti Theou hyper pantos geusētai thanatou. 10 Eprepen gar autō, di’ hon ta panta kai di’ hou ta panta, pollous huious eis doxan agagonta ton archēgon tēs sōtērias autōn dia pathēmatōn teleiōsai. 11 ho te gar hagiazōn kai hoi hagiazomenoi ex henos pantes; di’ hēn aitian ouk epaischynetai adelphous autous kalein, 12 legōn
Apangelō to onoma sou tois adelphois mou,
en mesō ekklēsias hymnēsō se;
13 kai palin
Egō esomai pepoithōs ep’ autō;
kai palin
Idou egō kai ta paidia ha moi edōken ho Theos.
14 epei oun ta paidia kekoinōnēken haimatos kai sarkos, kai autos paraplēsiōs meteschen tōn autōn, hina dia tou thanatou katargēsē ton to kratos echonta tou thanatou, tout’ estin ton diabolon, 15 kai apallaxē toutous, hosoi phobō thanatou dia pantos tou zēn enochoi ēsan douleias. 16 ou gar dēpou angelōn epilambanetai, alla spermatos Abraam epilambanetai. 17 hothen ōpheilen kata panta tois adelphois homoiōthēnai, hina eleēmōn genētai kai pistos archiereus ta pros ton Theon, eis to hilaskesthai tas hamartias tou laou. 18 en hō gar peponthen autos peirastheis, dynatai tois peirazomenois boēthēsai.
3: 1 Ὅθεν, ἀδελφοὶ ἅγιοι, κλήσεως ἐπουρανίου μέτοχοι, κατανοήσατε τὸν Ἀπόστολον καὶ Ἀρχιερέα τῆς ὁμολογίας ἡμῶν Ἰησοῦν, 2 πιστὸν ὄντα τῷ ποιήσαντι αὐτὸν, ὡς καὶ Μωϋσῆς ἐν ὅλῳ τῷ οἴκῳ αὐτοῦ. 3 πλείονος γὰρ οὗτος δόξης παρὰ Μωϋσῆν ἠξίωται καθ’ ὅσον πλείονα τιμὴν ἔχει τοῦ οἴκου ὁ κατασκευάσας αὐτόν. 4 πᾶς γὰρ οἶκος κατασκευάζεται ὑπό τινος, ὁ δὲ πάντα κατασκευάσας Θεός. 5 καὶ Μωϋσῆς μὲν πιστὸς ἐν ὅλῳ τῷ οἴκῳ αὐτοῦ ὡς θεράπων εἰς μαρτύριον τῶν λαληθησομένων, 6 Χριστὸς δὲ ὡς υἱὸς ἐπὶ τὸν οἶκον αὐτοῦ· οὗ οἶκός ἐσμεν ἡμεῖς, ἐὰν τὴν παρρησίαν καὶ τὸ καύχημα τῆς ἐλπίδος μέχρι τέλους βεβαίαν κατάσχωμεν. 7 Διό, καθὼς λέγει τὸ Πνεῦμα τὸ Ἅγιον
Σήμερον ἐὰν τῆς φωνῆς αὐτοῦ ἀκούσητε,
8 μὴ σκληρύνητε τὰς καρδίας ὑμῶν ὡς ἐν τῷ παραπικρασμῷ
κατὰ τὴν ἡμέραν τοῦ πειρασμοῦ ἐν τῇ ἐρήμῳ,
9 οὗ ἐπείρασαν οἱ πατέρες ὑμῶν ἐν δοκιμασίᾳ
καὶ εἶδον τὰ ἔργα μου 10 τεσσεράκοντα ἔτη.
διὸ προσώχθισα τῇ γενεᾷ ταύτῃ
καὶ εἶπον Ἀεὶ πλανῶνται τῇ καρδίᾳ·
αὐτοὶ δὲ οὐκ ἔγνωσαν τὰς ὁδούς μου,
11 ὡς ὤμοσα ἐν τῇ ὀργῇ μου
Εἰ εἰσελεύσονται εἰς τὴν κατάπαυσίν μου.
12 βλέπετε, ἀδελφοί, μή ποτε ἔσται ἔν τινι ὑμῶν καρδία πονηρὰ ἀπιστίας ἐν τῷ ἀποστῆναι ἀπὸ Θεοῦ ζῶντος, 13 ἀλλὰ παρακαλεῖτε ἑαυτοὺς καθ’ ἑκάστην ἡμέραν, ἄχρις οὗ τὸ Σήμερον καλεῖται, ἵνα μὴ σκληρυνθῇ τις ἐξ ὑμῶν ἀπάτῃ τῆς ἁμαρτίας· 14 μέτοχοι γὰρ τοῦ Χριστοῦ γεγόναμεν, ἐάνπερ τὴν ἀρχὴν τῆς ὑποστάσεως μέχρι τέλους βεβαίαν κατάσχωμεν. 15 ἐν τῷ λέγεσθαι
Σήμερον ἐὰν τῆς φωνῆς αὐτοῦ ἀκούσητε,
Μὴ σκληρύνητε τὰς καρδίας ὑμῶν ὡς ἐν τῷ παραπικρασμῷ.
16 τίνες γὰρ ἀκούσαντες παρεπίκραναν; ἀλλ’ οὐ πάντες οἱ ἐξελθόντες ἐξ Αἰγύπτου διὰ Μωϋσέως; 17 τίσιν δὲ προσώχθισεν τεσσεράκοντα ἔτη; οὐχὶ τοῖς ἁμαρτήσασιν, ὧν τὰ κῶλα ἔπεσεν ἐν τῇ ἐρήμῳ; 18 τίσιν δὲ ὤμοσεν μὴ εἰσελεύσεσθαι εἰς τὴν κατάπαυσιν αὐτοῦ εἰ μὴ τοῖς ἀπειθήσασιν; 19 καὶ βλέπομεν ὅτι οὐκ ἠδυνήθησαν εἰσελθεῖν δι’ ἀπιστίαν.
3: 1 Hothen, adelphoi hagioi, klēseōs epouraniou metochoi, katanoēsate ton Apostolon kai Archierea tēs homologias hēmōn Iēsoun, 2 piston onta tō poiēsanti auton, hōs kai Mōusēs en holō tō oikō autou. 3 pleionos gar houtos doxēs para Mōusēn ēxiōtai kath’ hoson pleiona timēn echei tou oikou ho kataskeuasas auton. 4 pas gar oikos kataskeuazetai hypo tinos, ho de panta kataskeuasas Theos. 5 kai Mōusēs men pistos en holō tō oikō autou hōs therapōn eis martyrion tōn lalēthēsomenōn, 6 Christos de hōs huios epi ton oikon autou; hou oikos esmen hēmeis, ean tēn parrēsian kai to kauchēma tēs elpidos mechri telous bebaian kataschōmen. 7 Dio, kathōs legei to Pneuma to Hagion
Sēmeron ean tēs phōnēs autou akousēte,
8 mē sklērynēte tas kardias hymōn hōs en tō parapikrasmō
kata tēn hēmeran tou peirasmou en tē erēmō,
9 hou epeirasan hoi pateres hymōn en dokimasia
kai eidon ta erga mou 10 tesserakonta etē.
dio prosōchthisa tē genea tautē
kai eipon Aei planōntai tē kardia;
autoi de ouk egnōsan tas hodous mou,
11 hōs ōmosa en tē orgē mou
Ei eiseleusontai eis tēn katapausin mou.
12 blepete, adelphoi, mē pote estai en tini hymōn kardia ponēra apistias en tō apostēnai apo Theou zōntos, 13 alla parakaleite heautous kath’ hekastēn hēmeran, achris hou to Sēmeron kaleitai, hina mē sklērynthē tis ex hymōn apatē tēs hamartias; 14 metochoi gar tou Christou gegonamen, eanper tēn archēn tēs hypostaseōs mechri telous bebaian kataschōmen. 15 en tō legesthai
Sēmeron ean tēs phōnēs autou akousēte,
Mē sklērynēte tas kardias hymōn hōs en tō parapikrasmō.
16 tines gar akousantes parepikranan? all’ ou pantes hoi exelthontes ex Aigyptou dia Mōuseōs? 17 tisin de prosōchthisen tesserakonta etē? ouchi tois hamartēsasin, hōn ta kōla epesen en tē erēmō? 18 tisin de ōmosen mē eiseleusesthai eis tēn katapausin autou ei mē tois apeithēsasin? 19 kai blepomen hoti ouk ēdynēthēsan eiselthein di’ apistian.
4: 1 φοβηθῶμεν οὖν μή ποτε καταλειπομένης ἐπαγγελίας εἰσελθεῖν εἰς τὴν κατάπαυσιν αὐτοῦ δοκῇ τις ἐξ ὑμῶν ὑστερηκέναι. 2 καὶ γάρ ἐσμεν εὐηγγελισμένοι καθάπερ κἀκεῖνοι· ἀλλ’ οὐκ ὠφέλησεν ὁ λόγος τῆς ἀκοῆς ἐκείνους μὴ συνκεκερασμένος τῇ πίστει τοῖς ἀκούσασιν. 3 Εἰσερχόμεθα γὰρ εἰς τὴν κατάπαυσιν οἱ πιστεύσαντες, καθὼς εἴρηκεν
Ὡς ὤμοσα ἐν τῇ ὀργῇ μου
Εἰ εἰσελεύσονται εἰς τὴν κατάπαυσίν μου,
καίτοι τῶν ἔργων ἀπὸ καταβολῆς κόσμου γενηθέντων. 4 εἴρηκεν γάρ που περὶ τῆς ἑβδόμης οὕτως Καὶ κατέπαυσεν ὁ Θεὸς ἐν τῇ ἡμέρᾳ τῇ ἑβδόμῃ ἀπὸ πάντων τῶν ἔργων αὐτοῦ· 5 καὶ ἐν τούτῳ πάλιν Εἰ εἰσελεύσονται εἰς τὴν κατάπαυσίν μου. 6 ἐπεὶ οὖν ἀπολείπεται τινὰς εἰσελθεῖν εἰς αὐτήν, καὶ οἱ πρότερον εὐαγγελισθέντες οὐκ εἰσῆλθον δι’ ἀπείθειαν, 7 πάλιν τινὰ ὁρίζει ἡμέραν, Σήμερον, ἐν Δαυεὶδ λέγων μετὰ τοσοῦτον χρόνον, καθὼς προείρηται
Σήμερον ἐὰν τῆς φωνῆς αὐτοῦ ἀκούσητε,
μὴ σκληρύνητε τὰς καρδίας ὑμῶν.
8 εἰ γὰρ αὐτοὺς Ἰησοῦς κατέπαυσεν, οὐκ ἂν περὶ ἄλλης ἐλάλει μετὰ ταῦτα ἡμέρας. 9 ἄρα ἀπολείπεται σαββατισμὸς τῷ λαῷ τοῦ Θεοῦ. 10 ὁ γὰρ εἰσελθὼν εἰς τὴν κατάπαυσιν αὐτοῦ καὶ αὐτὸς κατέπαυσεν ἀπὸ τῶν ἔργων αὐτοῦ, ὥσπερ ἀπὸ τῶν ἰδίων ὁ Θεός. 11 Σπουδάσωμεν οὖν εἰσελθεῖν εἰς ἐκείνην τὴν κατάπαυσιν, ἵνα μὴ ἐν τῷ αὐτῷ τις ὑποδείγματι πέσῃ τῆς ἀπειθείας. 12 Ζῶν γὰρ ὁ λόγος τοῦ Θεοῦ καὶ ἐνεργὴς καὶ τομώτερος ὑπὲρ πᾶσαν μάχαιραν δίστομον καὶ διϊκνούμενος ἄχρι μερισμοῦ ψυχῆς καὶ πνεύματος, ἁρμῶν τε καὶ μυελῶν, καὶ κριτικὸς ἐνθυμήσεων καὶ ἐννοιῶν καρδίας· 13 καὶ οὐκ ἔστιν κτίσις ἀφανὴς ἐνώπιον αὐτοῦ, πάντα δὲ γυμνὰ καὶ τετραχηλισμένα τοῖς ὀφθαλμοῖς αὐτοῦ, πρὸς ὃν ἡμῖν ὁ λόγος. 14 Ἔχοντες οὖν ἀρχιερέα μέγαν διεληλυθότα τοὺς οὐρανούς, Ἰησοῦν τὸν Υἱὸν τοῦ Θεοῦ, κρατῶμεν τῆς ὁμολογίας. 15 οὐ γὰρ ἔχομεν ἀρχιερέα μὴ δυνάμενον συνπαθῆσαι ταῖς ἀσθενείαις ἡμῶν, πεπειρασμένον δὲ κατὰ πάντα καθ’ ὁμοιότητα χωρὶς ἁμαρτίας. 16 προσερχώμεθα οὖν μετὰ παρρησίας τῷ θρόνῳ τῆς χάριτος, ἵνα λάβωμεν ἔλεος καὶ χάριν εὕρωμεν εἰς εὔκαιρον βοήθειαν.
4: 1 phobēthōmen oun mē pote kataleipomenēs epangelias eiselthein eis tēn katapausin autou dokē tis ex hymōn hysterēkenai. 2 kai gar esmen euēngelismenoi kathaper kakeinoi; all’ ouk ōphelēsen ho logos tēs akoēs ekeinous mē synkekerasmenos tē pistei tois akousasin. 3 Eiserchometha gar eis tēn katapausin hoi pisteusantes, kathōs eirēken
Hōs ōmosa en tē orgē mou
Ei eiseleusontai eis tēn katapausin mou,
kaitoi tōn ergōn apo katabolēs kosmou genēthentōn. 4 eirēken gar pou peri tēs hebdomēs houtōs Kai katepausen ho Theos en tē hēmera tē hebdomē apo pantōn tōn ergōn autou; 5 kai en toutō palin Ei eiseleusontai eis tēn katapausin mou. 6 epei oun apoleipetai tinas eiselthein eis autēn, kai hoi proteron euangelisthentes ouk eisēlthon di’ apeitheian, 7 palin tina horizei hēmeran, Sēmeron, en Daueid legōn meta tosouton chronon, kathōs proeirētai
Sēmeron ean tēs phōnēs autou akousēte,
mē sklērynēte tas kardias hymōn.
8 ei gar autous Iēsous katepausen, ouk an peri allēs elalei meta tauta hēmeras. 9 ara apoleipetai sabbatismos tō laō tou Theou. 10 ho gar eiselthōn eis tēn katapausin autou kai autos katepausen apo tōn ergōn autou, hōsper apo tōn idiōn ho Theos. 11 Spoudasōmen oun eiselthein eis ekeinēn tēn katapausin, hina mē en tō autō tis hypodeigmati pesē tēs apeitheias. 12 Zōn gar ho logos tou Theou kai energēs kai tomōteros hyper pasan machairan distomon kai diiknoumenos achri merismou psychēs kai pneumatos, harmōn te kai myelōn, kai kritikos enthymēseōn kai ennoiōn kardias; 13 kai ouk estin ktisis aphanēs enōpion autou, panta de gymna kai tetrachēlismena tois ophthalmois autou, pros hon hēmin ho logos. 14 Echontes oun archierea megan dielēlythota tous ouranous, Iēsoun ton Huion tou Theou, kratōmen tēs homologias. 15 ou gar echomen archierea mē dynamenon synpathēsai tais astheneiais hēmōn, pepeirasmenon de kata panta kath’ homoiotēta chōris hamartias. 16 proserchōmetha oun meta parrēsias tō thronō tēs charitos, hina labōmen eleos kai charin heurōmen eis eukairon boētheian.
5: 1 Πᾶς γὰρ ἀρχιερεὺς ἐξ ἀνθρώπων λαμβανόμενος ὑπὲρ ἀνθρώπων καθίσταται τὰ πρὸς τὸν Θεόν, ἵνα προσφέρῃ δῶρά τε καὶ θυσίας ὑπὲρ ἁμαρτιῶν, 2 μετριοπαθεῖν δυνάμενος τοῖς ἀγνοοῦσιν καὶ πλανωμένοις, ἐπεὶ καὶ αὐτὸς περίκειται ἀσθένειαν, 3 καὶ δι’ αὐτὴν ὀφείλει, καθὼς περὶ τοῦ λαοῦ, οὕτως καὶ περὶ ἑαυτοῦ προσφέρειν περὶ ἁμαρτιῶν. 4 καὶ οὐχ ἑαυτῷ τις λαμβάνει τὴν τιμήν, ἀλλὰ καλούμενος ὑπὸ τοῦ Θεοῦ, καθώσπερ καὶ Ἀαρών. 5 Οὕτως καὶ ὁ Χριστὸς οὐχ ἑαυτὸν ἐδόξασεν γενηθῆναι ἀρχιερέα, ἀλλ’ ὁ λαλήσας πρὸς αὐτόν
Υἱός μου εἶ σύ, ἐγὼ σήμερον γεγέννηκά σε·
6 καθὼς καὶ ἐν ἑτέρῳ λέγει
Σὺ ἱερεὺς εἰς τὸν αἰῶνα κατὰ τὴν τάξιν Μελχισέδεκ.
7 ὃς ἐν ταῖς ἡμέραις τῆς σαρκὸς αὐτοῦ δεήσεις τε καὶ ἱκετηρίας πρὸς τὸν δυνάμενον σῴζειν αὐτὸν ἐκ θανάτου μετὰ κραυγῆς ἰσχυρᾶς καὶ δακρύων προσενέγκας καὶ εἰσακουσθεὶς ἀπὸ τῆς εὐλαβείας, 8 καίπερ ὢν Υἱός, ἔμαθεν ἀφ’ ὧν ἔπαθεν τὴν ὑπακοήν, 9 καὶ τελειωθεὶς ἐγένετο πᾶσιν τοῖς ὑπακούουσιν αὐτῷ αἴτιος σωτηρίας αἰωνίου, 10 προσαγορευθεὶς ὑπὸ τοῦ Θεοῦ ἀρχιερεὺς κατὰ τὴν τάξιν Μελχισέδεκ.
11 Περὶ οὗ πολὺς ἡμῖν ὁ λόγος καὶ δυσερμήνευτος λέγειν, ἐπεὶ νωθροὶ γεγόνατε ταῖς ἀκοαῖς. 12 καὶ γὰρ ὀφείλοντες εἶναι διδάσκαλοι διὰ τὸν χρόνον, πάλιν χρείαν ἔχετε τοῦ διδάσκειν ὑμᾶς τινα τὰ στοιχεῖα τῆς ἀρχῆς τῶν λογίων τοῦ Θεοῦ, καὶ γεγόνατε χρείαν ἔχοντες γάλακτος, οὐ στερεᾶς τροφῆς. 13 πᾶς γὰρ ὁ μετέχων γάλακτος ἄπειρος λόγου δικαιοσύνης, νήπιος γάρ ἐστιν· 14 τελείων δέ ἐστιν ἡ στερεὰ τροφή, τῶν διὰ τὴν ἕξιν τὰ αἰσθητήρια γεγυμνασμένα ἐχόντων πρὸς διάκρισιν καλοῦ τε καὶ κακοῦ.
5: 1 Pas gar archiereus ex anthrōpōn lambanomenos hyper anthrōpōn kathistatai ta pros ton Theon, hina prospherē dōra te kai thysias hyper hamartiōn, 2 metriopathein dynamenos tois agnoousin kai planōmenois, epei kai autos perikeitai astheneian, 3 kai di’ autēn opheilei, kathōs peri tou laou, houtōs kai peri heautou prospherein peri hamartiōn. 4 kai ouch heautō tis lambanei tēn timēn, alla kaloumenos hypo tou Theou, kathōsper kai Aarōn. 5 Houtōs kai ho Christos ouch heauton edoxasen genēthēnai archierea, all’ ho lalēsas pros auton
Huios mou ei sy, egō sēmeron gegennēka se;
6 kathōs kai en heterō legei
Sy hiereus eis ton aiōna kata tēn taxin Melchisedek.
7 hos en tais hēmerais tēs sarkos autou deēseis te kai hiketērias pros ton dynamenon sōzein auton ek thanatou meta kraugēs ischyras kai dakryōn prosenenkas kai eisakoustheis apo tēs eulabeias, 8 kaiper ōn Huios, emathen aph’ hōn epathen tēn hypakoēn, 9 kai teleiōtheis egeneto pasin tois hypakouousin autō aitios sōtērias aiōniou, 10 prosagoreutheis hypo tou Theou archiereus kata tēn taxin Melchisedek.
11 Peri hou polys hēmin ho logos kai dysermēneutos legein, epei nōthroi gegonate tais akoais. 12 kai gar opheilontes einai didaskaloi dia ton chronon, palin chreian echete tou didaskein hymas tina ta stoicheia tēs archēs tōn logiōn tou Theou, kai gegonate chreian echontes galaktos, ou stereas trophēs. 13 pas gar ho metechōn galaktos apeiros logou dikaiosynēs, nēpios gar estin; 14 teleiōn de estin hē sterea trophē, tōn dia tēn hexin ta aisthētēria gegymnasmena echontōn pros diakrisin kalou te kai kakou.
6: 1 Διὸ ἀφέντες τὸν τῆς ἀρχῆς τοῦ Χριστοῦ λόγον ἐπὶ τὴν τελειότητα φερώμεθα, μὴ πάλιν θεμέλιον καταβαλλόμενοι μετανοίας ἀπὸ νεκρῶν ἔργων, καὶ πίστεως ἐπὶ Θεόν, 2 βαπτισμῶν διδαχὴν, ἐπιθέσεώς τε χειρῶν, ἀναστάσεώς νεκρῶν, καὶ κρίματος αἰωνίου. 3 καὶ τοῦτο ποιήσομεν, ἐάνπερ ἐπιτρέπῃ ὁ Θεός. 4 Ἀδύνατον γὰρ τοὺς ἅπαξ φωτισθέντας γευσαμένους τε τῆς δωρεᾶς τῆς ἐπουρανίου καὶ μετόχους γενηθέντας Πνεύματος Ἁγίου 5 καὶ καλὸν γευσαμένους Θεοῦ ῥῆμα δυνάμεις τε μέλλοντος αἰῶνος, 6 καὶ παραπεσόντας, πάλιν ἀνακαινίζειν εἰς μετάνοιαν, ἀνασταυροῦντας ἑαυτοῖς τὸν Υἱὸν τοῦ Θεοῦ καὶ παραδειγματίζοντας. 7 γῆ γὰρ ἡ πιοῦσα τὸν ἐπ’ αὐτῆς ἐρχόμενον πολλάκις ὑετόν καὶ τίκτουσα βοτάνην εὔθετον ἐκείνοις δι’ οὓς καὶ γεωργεῖται, μεταλαμβάνει εὐλογίας ἀπὸ τοῦ Θεοῦ· 8 ἐκφέρουσα δὲ ἀκάνθας καὶ τριβόλους ἀδόκιμος καὶ κατάρας ἐγγύς, ἧς τὸ τέλος εἰς καῦσιν. 9 Πεπείσμεθα δὲ περὶ ὑμῶν, ἀγαπητοί, τὰ κρείσσονα καὶ ἐχόμενα σωτηρίας, εἰ καὶ οὕτως λαλοῦμεν. 10 οὐ γὰρ ἄδικος ὁ Θεὸς ἐπιλαθέσθαι τοῦ ἔργου ὑμῶν καὶ τῆς ἀγάπης ἧς ἐνεδείξασθε εἰς τὸ ὄνομα αὐτοῦ, διακονήσαντες τοῖς ἁγίοις καὶ διακονοῦντες. 11 ἐπιθυμοῦμεν δὲ ἕκαστον ὑμῶν τὴν αὐτὴν ἐνδείκνυσθαι σπουδὴν πρὸς τὴν πληροφορίαν τῆς ἐλπίδος ἄχρι τέλους, 12 ἵνα μὴ νωθροὶ γένησθε, μιμηταὶ δὲ τῶν διὰ πίστεως καὶ μακροθυμίας κληρονομούντων τὰς ἐπαγγελίας. 13 Τῷ γὰρ Ἀβραὰμ ἐπαγγειλάμενος ὁ Θεός, ἐπεὶ κατ’ οὐδενὸς εἶχεν μείζονος ὀμόσαι, ὤμοσεν καθ’ ἑαυτοῦ, 14 λέγων Εἰ μὴν εὐλογῶν εὐλογήσω σε καὶ πληθύνων πληθυνῶ σε· 15 καὶ οὕτως μακροθυμήσας ἐπέτυχεν τῆς ἐπαγγελίας. 16 ἄνθρωποι γὰρ κατὰ τοῦ μείζονος ὀμνύουσιν, καὶ πάσης αὐτοῖς ἀντιλογίας πέρας εἰς βεβαίωσιν ὁ ὅρκος· 17 ἐν ᾧ περισσότερον βουλόμενος ὁ Θεὸς ἐπιδεῖξαι τοῖς κληρονόμοις τῆς ἐπαγγελίας τὸ ἀμετάθετον τῆς βουλῆς αὐτοῦ ἐμεσίτευσεν ὅρκῳ, 18 ἵνα διὰ δύο πραγμάτων ἀμεταθέτων, ἐν οἷς ἀδύνατον ψεύσασθαι Θεόν, ἰσχυρὰν παράκλησιν ἔχωμεν οἱ καταφυγόντες κρατῆσαι τῆς προκειμένης ἐλπίδος· 19 ἣν ὡς ἄγκυραν ἔχομεν τῆς ψυχῆς ἀσφαλῆ τε καὶ βεβαίαν καὶ εἰσερχομένην εἰς τὸ ἐσώτερον τοῦ καταπετάσματος, 20 ὅπου πρόδρομος ὑπὲρ ἡμῶν εἰσῆλθεν Ἰησοῦς, κατὰ τὴν τάξιν Μελχισέδεκ ἀρχιερεὺς γενόμενος εἰς τὸν αἰῶνα.
6: 1 Dio aphentes ton tēs archēs tou Christou logon epi tēn teleiotēta pherōmetha, mē palin themelion kataballomenoi metanoias apo nekrōn ergōn, kai pisteōs epi Theon, 2 baptismōn didachēn, epitheseōs te cheirōn, anastaseōs nekrōn, kai krimatos aiōniou. 3 kai touto poiēsomen, eanper epitrepē ho Theos. 4 Adynaton gar tous hapax phōtisthentas geusamenous te tēs dōreas tēs epouraniou kai metochous genēthentas Pneumatos Hagiou 5 kai kalon geusamenous Theou rhēma dynameis te mellontos aiōnos, 6 kai parapesontas, palin anakainizein eis metanoian, anastaurountas heautois ton Huion tou Theou kai paradeigmatizontas. 7 gē gar hē piousa ton ep’ autēs erchomenon pollakis hyeton kai tiktousa botanēn eutheton ekeinois di’ hous kai geōrgeitai, metalambanei eulogias apo tou Theou; 8 ekpherousa de akanthas kai tribolous adokimos kai kataras engys, hēs to telos eis kausin. 9 Pepeismetha de peri hymōn, agapētoi, ta kreissona kai echomena sōtērias, ei kai houtōs laloumen. 10 ou gar adikos ho Theos epilathesthai tou ergou hymōn kai tēs agapēs hēs enedeixasthe eis to onoma autou, diakonēsantes tois hagiois kai diakonountes. 11 epithymoumen de hekaston hymōn tēn autēn endeiknysthai spoudēn pros tēn plērophorian tēs elpidos achri telous, 12 hina mē nōthroi genēsthe, mimētai de tōn dia pisteōs kai makrothymias klēronomountōn tas epangelias. 13 Tō gar Abraam epangeilamenos ho Theos, epei kat’ oudenos eichen meizonos omosai, ōmosen kath’ heautou, 14 legōn Ei mēn eulogōn eulogēsō se kai plēthynōn plēthynō se; 15 kai houtōs makrothymēsas epetychen tēs epangelias. 16 anthrōpoi gar kata tou meizonos omnyousin, kai pasēs autois antilogias peras eis bebaiōsin ho horkos; 17 en hō perissoteron boulomenos ho Theos epideixai tois klēronomois tēs epangelias to ametatheton tēs boulēs autou emesiteusen horkō, 18 hina dia dyo pragmatōn ametathetōn, en hois adynaton pseusasthai Theon, ischyran paraklēsin echōmen hoi kataphygontes kratēsai tēs prokeimenēs elpidos; 19 hēn hōs ankyran echomen tēs psychēs asphalē te kai bebaian kai eiserchomenēn eis to esōteron tou katapetasmatos, 20 hopou prodromos hyper hēmōn eisēlthen Iēsous, kata tēn taxin Melchisedek archiereus genomenos eis ton aiōna.
7: 1 Οὗτος γὰρ ὁ Μελχισέδεκ, βασιλεὺς Σαλήμ, ἱερεὺς τοῦ Θεοῦ τοῦ Ὑψίστου, ὁ συναντήσας Ἀβραὰμ ὑποστρέφοντι ἀπὸ τῆς κοπῆς τῶν βασιλέων καὶ εὐλογήσας αὐτόν, 2 ᾧ καὶ δεκάτην ἀπὸ πάντων ἐμέρισεν Ἀβραάμ, πρῶτον μὲν ἑρμηνευόμενος βασιλεὺς δικαιοσύνης, ἔπειτα δὲ καὶ βασιλεὺς Σαλήμ, ὅ ἐστιν βασιλεὺς εἰρήνης, 3 ἀπάτωρ, ἀμήτωρ, ἀγενεαλόγητος, μήτε ἀρχὴν ἡμερῶν μήτε ζωῆς τέλος ἔχων, ἀφωμοιωμένος δὲ τῷ Υἱῷ τοῦ Θεοῦ, μένει ἱερεὺς εἰς τὸ διηνεκές. 4 Θεωρεῖτε δὲ πηλίκος οὗτος ᾧ δεκάτην Ἀβραὰμ ἔδωκεν ἐκ τῶν ἀκροθινίων ὁ πατριάρχης. 5 καὶ οἱ μὲν ἐκ τῶν υἱῶν Λευεὶ τὴν ἱερατείαν λαμβάνοντες ἐντολὴν ἔχουσιν ἀποδεκατοῖν τὸν λαὸν κατὰ τὸν νόμον, τοῦτ’ ἔστιν τοὺς ἀδελφοὺς αὐτῶν, καίπερ ἐξεληλυθότας ἐκ τῆς ὀσφύος Ἀβραάμ· 6 ὁ δὲ μὴ γενεαλογούμενος ἐξ αὐτῶν δεδεκάτωκεν Ἀβραάμ, καὶ τὸν ἔχοντα τὰς ἐπαγγελίας εὐλόγηκεν. 7 χωρὶς δὲ πάσης ἀντιλογίας τὸ ἔλαττον ὑπὸ τοῦ κρείττονος εὐλογεῖται. 8 καὶ ὧδε μὲν δεκάτας ἀποθνῄσκοντες ἄνθρωποι λαμβάνουσιν, ἐκεῖ δὲ μαρτυρούμενος ὅτι ζῇ. 9 καὶ ὡς ἔπος εἰπεῖν, δι’ Ἀβραὰμ καὶ Λευεὶς ὁ δεκάτας λαμβάνων δεδεκάτωται· 10 ἔτι γὰρ ἐν τῇ ὀσφύϊ τοῦ πατρὸς ἦν ὅτε συνήντησεν αὐτῷ Μελχισέδεκ. 11 Εἰ μὲν οὖν τελείωσις διὰ τῆς Λευειτικῆς ἱερωσύνης ἦν, ὁ λαὸς γὰρ ἐπ’ αὐτῆς νενομοθέτηται, τίς ἔτι χρεία κατὰ τὴν τάξιν Μελχισέδεκ ἕτερον ἀνίστασθαι ἱερέα καὶ οὐ κατὰ τὴν τάξιν Ἀαρὼν λέγεσθαι; 12 μετατιθεμένης γὰρ τῆς ἱερωσύνης ἐξ ἀνάγκης καὶ νόμου μετάθεσις γίνεται. 13 ἐφ’ ὃν γὰρ λέγεται ταῦτα, φυλῆς ἑτέρας μετέσχηκεν, ἀφ’ ἧς οὐδεὶς προσέσχηκεν τῷ θυσιαστηρίῳ· 14 πρόδηλον γὰρ ὅτι ἐξ Ἰούδα ἀνατέταλκεν ὁ Κύριος ἡμῶν, εἰς ἣν φυλὴν περὶ ἱερέων οὐδὲν Μωϋσῆς ἐλάλησεν. 15 Καὶ περισσότερον ἔτι κατάδηλόν ἐστιν, εἰ κατὰ τὴν ὁμοιότητα Μελχισέδεκ ἀνίσταται ἱερεὺς ἕτερος, 16 ὃς οὐ κατὰ νόμον ἐντολῆς σαρκίνης γέγονεν ἀλλὰ κατὰ δύναμιν ζωῆς ἀκαταλύτου. 17 μαρτυρεῖται γὰρ ὅτι Σὺ ἱερεὺς εἰς τὸν αἰῶνα κατὰ τὴν τάξιν Μελχισέδεκ. 18 ἀθέτησις μὲν γὰρ γίνεται προαγούσης ἐντολῆς διὰ τὸ αὐτῆς ἀσθενὲς καὶ ἀνωφελές, 19 οὐδὲν γὰρ ἐτελείωσεν ὁ νόμος, ἐπεισαγωγὴ δὲ κρείττονος ἐλπίδος, δι’ ἧς ἐγγίζομεν τῷ Θεῷ. 20 Καὶ καθ’ ὅσον οὐ χωρὶς ὁρκωμοσίας, —οἱ μὲν γὰρ χωρὶς ὁρκωμοσίας εἰσὶν ἱερεῖς γεγονότες, 21 ὁ δὲ μετὰ ὁρκωμοσίας διὰ τοῦ λέγοντος πρὸς αὐτόν Ὤμοσεν Κύριος, καὶ οὐ μεταμεληθήσεται Σὺ ἱερεὺς εἰς τὸν αἰῶνα· 22 —κατὰ τοσοῦτο καὶ κρείττονος διαθήκης γέγονεν ἔγγυος Ἰησοῦς. 23 Καὶ οἱ μὲν πλείονές εἰσιν γεγονότες ἱερεῖς διὰ τὸ θανάτῳ κωλύεσθαι παραμένειν· 24 ὁ δὲ διὰ τὸ μένειν αὐτὸν εἰς τὸν αἰῶνα ἀπαράβατον ἔχει τὴν ἱερωσύνην· 25 ὅθεν καὶ σῴζειν εἰς τὸ παντελὲς δύναται τοὺς προσερχομένους δι’ αὐτοῦ τῷ Θεῷ, πάντοτε ζῶν εἰς τὸ ἐντυγχάνειν ὑπὲρ αὐτῶν. 26 Τοιοῦτος γὰρ ἡμῖν καὶ ἔπρεπεν ἀρχιερεύς, ὅσιος, ἄκακος, ἀμίαντος, κεχωρισμένος ἀπὸ τῶν ἁμαρτωλῶν, καὶ ὑψηλότερος τῶν οὐρανῶν γενόμενος· 27 ὃς οὐκ ἔχει καθ’ ἡμέραν ἀνάγκην, ὥσπερ οἱ ἀρχιερεῖς, πρότερον ὑπὲρ τῶν ἰδίων ἁμαρτιῶν θυσίας ἀναφέρειν, ἔπειτα τῶν τοῦ λαοῦ· τοῦτο γὰρ ἐποίησεν ἐφάπαξ ἑαυτὸν ἀνενέγκας. 28 ὁ νόμος γὰρ ἀνθρώπους καθίστησιν ἀρχιερεῖς ἔχοντας ἀσθένειαν, ὁ λόγος δὲ τῆς ὁρκωμοσίας τῆς μετὰ τὸν νόμον Υἱόν εἰς τὸν αἰῶνα τετελειωμένον.
7: 1 Houtos gar ho Melchisedek, basileus Salēm, hiereus tou Theou tou Hypsistou, ho synantēsas Abraam hypostrephonti apo tēs kopēs tōn basileōn kai eulogēsas auton, 2 hō kai dekatēn apo pantōn emerisen Abraam, prōton men hermēneuomenos basileus dikaiosynēs, epeita de kai basileus Salēm, ho estin basileus eirēnēs, 3 apatōr, amētōr, agenealogētos, mēte archēn hēmerōn mēte zōēs telos echōn, aphōmoiōmenos de tō Huiō tou Theou, menei hiereus eis to diēnekes. 4 Theōreite de pēlikos houtos hō dekatēn Abraam edōken ek tōn akrothiniōn ho patriarchēs. 5 kai hoi men ek tōn huiōn Leuei tēn hierateian lambanontes entolēn echousin apodekatoin ton laon kata ton nomon, tout’ estin tous adelphous autōn, kaiper exelēlythotas ek tēs osphyos Abraam; 6 ho de mē genealogoumenos ex autōn dedekatōken Abraam, kai ton echonta tas epangelias eulogēken. 7 chōris de pasēs antilogias to elatton hypo tou kreittonos eulogeitai. 8 kai hōde men dekatas apothnēskontes anthrōpoi lambanousin, ekei de martyroumenos hoti zē. 9 kai hōs epos eipein, di’ Abraam kai Leueis ho dekatas lambanōn dedekatōtai; 10 eti gar en tē osphui tou patros ēn hote synēntēsen autō Melchisedek. 11 Ei men oun teleiōsis dia tēs Leueitikēs hierōsynēs ēn, ho laos gar ep’ autēs nenomothetētai, tis eti chreia kata tēn taxin Melchisedek heteron anistasthai hierea kai ou kata tēn taxin Aarōn legesthai? 12 metatithemenēs gar tēs hierōsynēs ex anankēs kai nomou metathesis ginetai. 13 eph’ hon gar legetai tauta, phylēs heteras meteschēken, aph’ hēs oudeis proseschēken tō thysiastēriō; 14 prodēlon gar hoti ex Iouda anatetalken ho Kyrios hēmōn, eis hēn phylēn peri hiereōn ouden Mōusēs elalēsen. 15 Kai perissoteron eti katadēlon estin, ei kata tēn homoiotēta Melchisedek anistatai hiereus heteros, 16 hos ou kata nomon entolēs sarkinēs gegonen alla kata dynamin zōēs akatalytou. 17 martyreitai gar hoti Sy hiereus eis ton aiōna kata tēn taxin Melchisedek. 18 athetēsis men gar ginetai proagousēs entolēs dia to autēs asthenes kai anōpheles, 19 ouden gar eteleiōsen ho nomos, epeisagōgē de kreittonos elpidos, di’ hēs engizomen tō Theō. 20 Kai kath’ hoson ou chōris horkōmosias, —hoi men gar chōris horkōmosias eisin hiereis gegonotes, 21 ho de meta horkōmosias dia tou legontos pros auton Ōmosen Kyrios, kai ou metamelēthēsetai Sy hiereus eis ton aiōna; 22 —kata tosouto kai kreittonos diathēkēs gegonen engyos Iēsous. 23 Kai hoi men pleiones eisin gegonotes hiereis dia to thanatō kōlyesthai paramenein; 24 ho de dia to menein auton eis ton aiōna aparabaton echei tēn hierōsynēn; 25 hothen kai sōzein eis to panteles dynatai tous proserchomenous di’ autou tō Theō, pantote zōn eis to entynchanein hyper autōn. 26 Toioutos gar hēmin kai eprepen archiereus, hosios, akakos, amiantos, kechōrismenos apo tōn hamartōlōn, kai hypsēloteros tōn ouranōn genomenos; 27 hos ouk echei kath’ hēmeran anankēn, hōsper hoi archiereis, proteron hyper tōn idiōn hamartiōn thysias anapherein, epeita tōn tou laou; touto gar epoiēsen ephapax heauton anenenkas. 28 ho nomos gar anthrōpous kathistēsin archiereis echontas astheneian, ho logos de tēs horkōmosias tēs meta ton nomon Huion eis ton aiōna teteleiōmenon.
8: 1 Κεφάλαιον δὲ ἐπὶ τοῖς λεγομένοις, τοιοῦτον ἔχομεν ἀρχιερέα, ὃς ἐκάθισεν ἐν δεξιᾷ τοῦ θρόνου τῆς Μεγαλωσύνης ἐν τοῖς οὐρανοῖς, 2 τῶν ἁγίων λειτουργὸς καὶ τῆς σκηνῆς τῆς ἀληθινῆς, ἣν ἔπηξεν ὁ Κύριος, οὐκ ἄνθρωπος. 3 Πᾶς γὰρ ἀρχιερεὺς εἰς τὸ προσφέρειν δῶρά τε καὶ θυσίας καθίσταται· ὅθεν ἀναγκαῖον ἔχειν τι καὶ τοῦτον ὃ προσενέγκῃ. 4 εἰ μὲν οὖν ἦν ἐπὶ γῆς, οὐδ’ ἂν ἦν ἱερεύς, ὄντων τῶν προσφερόντων κατὰ νόμον τὰ δῶρα· 5 οἵτινες ὑποδείγματι καὶ σκιᾷ λατρεύουσιν τῶν ἐπουρανίων, καθὼς κεχρημάτισται Μωϋσῆς μέλλων ἐπιτελεῖν τὴν σκηνήν. Ὅρα γάρ φησίν, ποιήσεις πάντα κατὰ τὸν τύπον τὸν δειχθέντα σοι ἐν τῷ ὄρει· 6 νῦν δὲ διαφορωτέρας τέτυχεν λειτουργίας, ὅσῳ καὶ κρείττονός ἐστιν διαθήκης μεσίτης, ἥτις ἐπὶ κρείττοσιν ἐπαγγελίαις νενομοθέτηται. 7 εἰ γὰρ ἡ πρώτη ἐκείνη ἦν ἄμεμπτος, οὐκ ἂν δευτέρας ἐζητεῖτο τόπος. 8 μεμφόμενος γὰρ αὐτοὺς λέγει
Ἰδοὺ ἡμέραι ἔρχονται, λέγει Κύριος,
καὶ συντελέσω ἐπὶ τὸν οἶκον Ἰσραὴλ καὶ ἐπὶ τὸν οἶκον Ἰούδα διαθήκην καινήν,
9 οὐ κατὰ τὴν διαθήκην ἣν ἐποίησα τοῖς πατράσιν αὐτῶν
ἐν ἡμέρᾳ ἐπιλαβομένου μου τῆς χειρὸς αὐτῶν ἐξαγαγεῖν αὐτοὺς ἐκ γῆς Αἰγύπτου,
ὅτι αὐτοὶ οὐκ ἐνέμειναν ἐν τῇ διαθήκῃ μου,
κἀγὼ ἠμέλησα αὐτῶν, λέγει Κύριος.
10 ὅτι αὕτη ἡ διαθήκη ἣν διαθήσομαι τῷ οἴκῳ Ἰσραὴλ
μετὰ τὰς ἡμέρας ἐκείνας, λέγει Κύριος,
διδοὺς νόμους μου εἰς τὴν διάνοιαν αὐτῶν,
καὶ ἐπὶ καρδίας αὐτῶν ἐπιγράψω αὐτούς,
καὶ ἔσομαι αὐτοῖς εἰς Θεόν
καὶ αὐτοὶ ἔσονταί μοι εἰς λαόν.
11 καὶ οὐ μὴ διδάξωσιν ἕκαστος τὸν πολίτην αὐτοῦ
καὶ ἕκαστος τὸν ἀδελφὸν αὐτοῦ, λέγων Γνῶθι τὸν Κύριον,
ὅτι πάντες εἰδήσουσίν με
ἀπὸ μικροῦ ἕως μεγάλου αὐτῶν.
12 ὅτι ἵλεως ἔσομαι ταῖς ἀδικίαις αὐτῶν,
καὶ τῶν ἁμαρτιῶν αὐτῶν οὐ μὴ μνησθῶ ἔτι.
13 ἐν τῷ λέγειν Καινὴν πεπαλαίωκεν τὴν πρώτην· τὸ δὲ παλαιούμενον καὶ γηράσκον ἐγγὺς ἀφανισμοῦ.
8: 1 Kephalaion de epi tois legomenois, toiouton echomen archierea, hos ekathisen en dexia tou thronou tēs Megalōsynēs en tois ouranois, 2 tōn hagiōn leitourgos kai tēs skēnēs tēs alēthinēs, hēn epēxen ho Kyrios, ouk anthrōpos. 3 Pas gar archiereus eis to prospherein dōra te kai thysias kathistatai; hothen anankaion echein ti kai touton ho prosenenkē. 4 ei men oun ēn epi gēs, oud’ an ēn hiereus, ontōn tōn prospherontōn kata nomon ta dōra; 5 hoitines hypodeigmati kai skia latreuousin tōn epouraniōn, kathōs kechrēmatistai Mōusēs mellōn epitelein tēn skēnēn. Hora gar phēsin, poiēseis panta kata ton typon ton deichthenta soi en tō orei; 6 nyn de diaphorōteras tetychen leitourgias, hosō kai kreittonos estin diathēkēs mesitēs, hētis epi kreittosin epangeliais nenomothetētai. 7 ei gar hē prōtē ekeinē ēn amemptos, ouk an deuteras ezēteito topos. 8 memphomenos gar autous legei
Idou hēmerai erchontai, legei Kyrios,
kai syntelesō epi ton oikon Israēl kai epi ton oikon Iouda diathēkēn kainēn,
9 ou kata tēn diathēkēn hēn epoiēsa tois patrasin autōn
en hēmera epilabomenou mou tēs cheiros autōn exagagein autous ek gēs Aigyptou,
hoti autoi ouk enemeinan en tē diathēkē mou,
kagō ēmelēsa autōn, legei Kyrios.
10 hoti hautē hē diathēkē hēn diathēsomai tō oikō Israēl
meta tas hēmeras ekeinas, legei Kyrios,
didous nomous mou eis tēn dianoian autōn,
kai epi kardias autōn epigrapsō autous,
kai esomai autois eis Theon
kai autoi esontai moi eis laon.
11 kai ou mē didaxōsin hekastos ton politēn autou
kai hekastos ton adelphon autou, legōn Gnōthi ton Kyrion,
hoti pantes eidēsousin me
apo mikrou heōs megalou autōn.
12 hoti hileōs esomai tais adikiais autōn,
kai tōn hamartiōn autōn ou mē mnēsthō eti.
13 en tō legein Kainēn pepalaiōken tēn prōtēn; to de palaioumenon kai gēraskon engys aphanismou.
9: 1 Εἶχε μὲν οὖν καὶ ἡ πρώτη δικαιώματα λατρείας τό τε ἅγιον κοσμικόν. 2 σκηνὴ γὰρ κατεσκευάσθη ἡ πρώτη, ἐν ᾗ ἥ τε λυχνία καὶ ἡ τράπεζα καὶ ἡ πρόθεσις τῶν ἄρτων, ἥτις λέγεται Ἅγια· 3 μετὰ δὲ τὸ δεύτερον καταπέτασμα σκηνὴ ἡ λεγομένη Ἅγια ἁγίων, 4 χρυσοῦν ἔχουσα θυμιατήριον καὶ τὴν κιβωτὸν τῆς διαθήκης περικεκαλυμμένην πάντοθεν χρυσίῳ, ἐν ᾗ στάμνος χρυσῆ ἔχουσα τὸ μάννα καὶ ἡ ῥάβδος Ἀαρὼν ἡ βλαστήσασα καὶ αἱ πλάκες τῆς διαθήκης, 5 ὑπεράνω δὲ αὐτῆς Χερουβεὶν δόξης κατασκιάζοντα τὸ ἱλαστήριον· περὶ ὧν οὐκ ἔστιν νῦν λέγειν κατὰ μέρος. 6 Τούτων δὲ οὕτως κατεσκευασμένων εἰς μὲν τὴν πρώτην σκηνὴν διὰ παντὸς εἰσίασιν οἱ ἱερεῖς τὰς λατρείας ἐπιτελοῦντες, 7 εἰς δὲ τὴν δευτέραν ἅπαξ τοῦ ἐνιαυτοῦ μόνος ὁ ἀρχιερεύς, οὐ χωρὶς αἵματος, ὃ προσφέρει ὑπὲρ ἑαυτοῦ καὶ τῶν τοῦ λαοῦ ἀγνοημάτων, 8 τοῦτο δηλοῦντος τοῦ Πνεύματος τοῦ Ἁγίου, μήπω πεφανερῶσθαι τὴν τῶν ἁγίων ὁδὸν ἔτι τῆς πρώτης σκηνῆς ἐχούσης στάσιν, 9 ἥτις παραβολὴ εἰς τὸν καιρὸν τὸν ἐνεστηκότα, καθ’ ἣν δῶρά τε καὶ θυσίαι προσφέρονται μὴ δυνάμεναι κατὰ συνείδησιν τελειῶσαι τὸν λατρεύοντα, 10 μόνον ἐπὶ βρώμασιν καὶ πόμασιν καὶ διαφόροις βαπτισμοῖς, δικαιώματα σαρκὸς μέχρι καιροῦ διορθώσεως ἐπικείμενα. 11 Χριστὸς δὲ παραγενόμενος ἀρχιερεὺς τῶν γενομένων ἀγαθῶν, διὰ τῆς μείζονος καὶ τελειοτέρας σκηνῆς οὐ χειροποιήτου, τοῦτ’ ἔστιν οὐ ταύτης τῆς κτίσεως, 12 οὐδὲ δι’ αἵματος τράγων καὶ μόσχων, διὰ δὲ τοῦ ἰδίου αἵματος, εἰσῆλθεν ἐφάπαξ εἰς τὰ ἅγια, αἰωνίαν λύτρωσιν εὑράμενος. 13 εἰ γὰρ τὸ αἷμα τράγων καὶ ταύρων καὶ σποδὸς δαμάλεως ῥαντίζουσα τοὺς κεκοινωμένους ἁγιάζει πρὸς τὴν τῆς σαρκὸς καθαρότητα, 14 πόσῳ μᾶλλον τὸ αἷμα τοῦ Χριστοῦ, ὃς διὰ Πνεύματος αἰωνίου ἑαυτὸν προσήνεγκεν ἄμωμον τῷ Θεῷ, καθαριεῖ τὴν συνείδησιν ἡμῶν ἀπὸ νεκρῶν ἔργων εἰς τὸ λατρεύειν Θεῷ ζῶντι. 15 Καὶ διὰ τοῦτο διαθήκης καινῆς μεσίτης ἐστίν, ὅπως θανάτου γενομένου εἰς ἀπολύτρωσιν τῶν ἐπὶ τῇ πρώτῃ διαθήκῃ παραβάσεων τὴν ἐπαγγελίαν λάβωσιν οἱ κεκλημένοι τῆς αἰωνίου κληρονομίας. 16 ὅπου γὰρ διαθήκη, θάνατον ἀνάγκη φέρεσθαι τοῦ διαθεμένου· 17 διαθήκη γὰρ ἐπὶ νεκροῖς βεβαία, ἐπεὶ μή ποτε ἰσχύει ὅτε ζῇ ὁ διαθέμενος. 18 Ὅθεν οὐδὲ ἡ πρώτη χωρὶς αἵματος ἐνκεκαίνισται. 19 λαληθείσης γὰρ πάσης ἐντολῆς κατὰ τὸν νόμον ὑπὸ Μωϋσέως παντὶ τῷ λαῷ, λαβὼν τὸ αἷμα τῶν μόσχων καὶ τῶν τράγων μετὰ ὕδατος καὶ ἐρίου κοκκίνου καὶ ὑσσώπου, αὐτό τε τὸ βιβλίον καὶ πάντα τὸν λαὸν ἐράντισεν, 20 λέγων Τοῦτο τὸ αἷμα τῆς διαθήκης ἧς ἐνετείλατο πρὸς ὑμᾶς ὁ Θεός. 21 καὶ τὴν σκηνὴν δὲ καὶ πάντα τὰ σκεύη τῆς λειτουργίας τῷ αἵματι ὁμοίως ἐράντισεν. 22 καὶ σχεδὸν ἐν αἵματι πάντα καθαρίζεται κατὰ τὸν νόμον, καὶ χωρὶς αἱματεκχυσίας οὐ γίνεται ἄφεσις. 23 Ἀνάγκη οὖν τὰ μὲν ὑποδείγματα τῶν ἐν τοῖς οὐρανοῖς τούτοις καθαρίζεσθαι, αὐτὰ δὲ τὰ ἐπουράνια κρείττοσιν θυσίαις παρὰ ταύτας. 24 οὐ γὰρ εἰς χειροποίητα εἰσῆλθεν ἅγια Χριστός, ἀντίτυπα τῶν ἀληθινῶν, ἀλλ’ εἰς αὐτὸν τὸν οὐρανόν, νῦν ἐμφανισθῆναι τῷ προσώπῳ τοῦ Θεοῦ ὑπὲρ ἡμῶν· 25 οὐδ’ ἵνα πολλάκις προσφέρῃ ἑαυτόν, ὥσπερ ὁ ἀρχιερεὺς εἰσέρχεται εἰς τὰ ἅγια κατ’ ἐνιαυτὸν ἐν αἵματι ἀλλοτρίῳ, 26 ἐπεὶ ἔδει αὐτὸν πολλάκις παθεῖν ἀπὸ καταβολῆς κόσμου· νυνὶ δὲ ἅπαξ ἐπὶ συντελείᾳ τῶν αἰώνων εἰς ἀθέτησιν τῆς ἁμαρτίας διὰ τῆς θυσίας αὐτοῦ πεφανέρωται. 27 καὶ καθ’ ὅσον ἀπόκειται τοῖς ἀνθρώποις ἅπαξ ἀποθανεῖν, μετὰ δὲ τοῦτο κρίσις, 28 οὕτως καὶ ὁ Χριστός, ἅπαξ προσενεχθεὶς εἰς τὸ πολλῶν ἀνενεγκεῖν ἁμαρτίας, ἐκ δευτέρου χωρὶς ἁμαρτίας ὀφθήσεται τοῖς αὐτὸν ἀπεκδεχομένοις εἰς σωτηρίαν.
9: 1 Eiche men oun kai hē prōtē dikaiōmata latreias to te hagion kosmikon. 2 skēnē gar kateskeuasthē hē prōtē, en hē hē te lychnia kai hē trapeza kai hē prothesis tōn artōn, hētis legetai Hagia; 3 meta de to deuteron katapetasma skēnē hē legomenē Hagia hagiōn, 4 chrysoun echousa thymiatērion kai tēn kibōton tēs diathēkēs perikekalymmenēn pantothen chrysiō, en hē stamnos chrysē echousa to manna kai hē rhabdos Aarōn hē blastēsasa kai hai plakes tēs diathēkēs, 5 hyperanō de autēs Cheroubein doxēs kataskiazonta to hilastērion; peri hōn ouk estin nyn legein kata meros. 6 Toutōn de houtōs kateskeuasmenōn eis men tēn prōtēn skēnēn dia pantos eisiasin hoi hiereis tas latreias epitelountes, 7 eis de tēn deuteran hapax tou eniautou monos ho archiereus, ou chōris haimatos, ho prospherei hyper heautou kai tōn tou laou agnoēmatōn, 8 touto dēlountos tou Pneumatos tou Hagiou, mēpō pephanerōsthai tēn tōn hagiōn hodon eti tēs prōtēs skēnēs echousēs stasin, 9 hētis parabolē eis ton kairon ton enestēkota, kath’ hēn dōra te kai thysiai prospherontai mē dynamenai kata syneidēsin teleiōsai ton latreuonta, 10 monon epi brōmasin kai pomasin kai diaphorois baptismois, dikaiōmata sarkos mechri kairou diorthōseōs epikeimena. 11 Christos de paragenomenos archiereus tōn genomenōn agathōn, dia tēs meizonos kai teleioteras skēnēs ou cheiropoiētou, tout’ estin ou tautēs tēs ktiseōs, 12 oude di’ haimatos tragōn kai moschōn, dia de tou idiou haimatos, eisēlthen ephapax eis ta hagia, aiōnian lytrōsin heuramenos. 13 ei gar to haima tragōn kai taurōn kai spodos damaleōs rhantizousa tous kekoinōmenous hagiazei pros tēn tēs sarkos katharotēta, 14 posō mallon to haima tou Christou, hos dia Pneumatos aiōniou heauton prosēnenken amōmon tō Theō, kathariei tēn syneidēsin hēmōn apo nekrōn ergōn eis to latreuein Theō zōnti. 15 Kai dia touto diathēkēs kainēs mesitēs estin, hopōs thanatou genomenou eis apolytrōsin tōn epi tē prōtē diathēkē parabaseōn tēn epangelian labōsin hoi keklēmenoi tēs aiōniou klēronomias. 16 hopou gar diathēkē, thanaton anankē pheresthai tou diathemenou; 17 diathēkē gar epi nekrois bebaia, epei mē pote ischyei hote zē ho diathemenos. 18 Hothen oude hē prōtē chōris haimatos enkekainistai. 19 lalētheisēs gar pasēs entolēs kata ton nomon hypo Mōuseōs panti tō laō, labōn to haima tōn moschōn kai tōn tragōn meta hydatos kai eriou kokkinou kai hyssōpou, auto te to biblion kai panta ton laon erantisen, 20 legōn Touto to haima tēs diathēkēs hēs eneteilato pros hymas ho Theos. 21 kai tēn skēnēn de kai panta ta skeuē tēs leitourgias tō haimati homoiōs erantisen. 22 kai schedon en haimati panta katharizetai kata ton nomon, kai chōris haimatekchysias ou ginetai aphesis. 23 Anankē oun ta men hypodeigmata tōn en tois ouranois toutois katharizesthai, auta de ta epourania kreittosin thysiais para tautas. 24 ou gar eis cheiropoiēta eisēlthen hagia Christos, antitypa tōn alēthinōn, all’ eis auton ton ouranon, nyn emphanisthēnai tō prosōpō tou Theou hyper hēmōn; 25 oud’ hina pollakis prospherē heauton, hōsper ho archiereus eiserchetai eis ta hagia kat’ eniauton en haimati allotriō, 26 epei edei auton pollakis pathein apo katabolēs kosmou; nyni de hapax epi synteleia tōn aiōnōn eis athetēsin tēs hamartias dia tēs thysias autou pephanerōtai. 27 kai kath’ hoson apokeitai tois anthrōpois hapax apothanein, meta de touto krisis, 28 houtōs kai ho Christos, hapax prosenechtheis eis to pollōn anenenkein hamartias, ek deuterou chōris hamartias ophthēsetai tois auton apekdechomenois eis sōtērian.
10: 1 Σκιὰν γὰρ ἔχων ὁ νόμος τῶν μελλόντων ἀγαθῶν, οὐκ αὐτὴν τὴν εἰκόνα τῶν πραγμάτων, κατ’ ἐνιαυτὸν ταῖς αὐταῖς θυσίαις ἃς προσφέρουσιν εἰς τὸ διηνεκὲς οὐδέποτε δύναται τοὺς προσερχομένους τελειῶσαι· 2 ἐπεὶ οὐκ ἂν ἐπαύσαντο προσφερόμεναι, διὰ τὸ μηδεμίαν ἔχειν ἔτι συνείδησιν ἁμαρτιῶν τοὺς λατρεύοντας ἅπαξ κεκαθαρισμένους; 3 ἀλλ’ ἐν αὐταῖς ἀνάμνησις ἁμαρτιῶν κατ’ ἐνιαυτόν· 4 ἀδύνατον γὰρ αἷμα ταύρων καὶ τράγων ἀφαιρεῖν ἁμαρτίας. 5 Διὸ εἰσερχόμενος εἰς τὸν κόσμον λέγει
Θυσίαν καὶ προσφορὰν οὐκ ἠθέλησας, σῶμα δὲ κατηρτίσω μοι·
6 ὁλοκαυτώματα καὶ περὶ ἁμαρτίας οὐκ εὐδόκησας.
7 τότε εἶπον Ἰδοὺ ἥκω, ἐν κεφαλίδι βιβλίου γέγραπται περὶ ἐμοῦ,
τοῦ ποιῆσαι ὁ Θεός, τὸ θέλημά σου.
8 ἀνώτερον λέγων ὅτι Θυσίας καὶ προσφορὰς καὶ ὁλοκαυτώματα καὶ περὶ ἁμαρτίας οὐκ ἠθέλησας οὐδὲ εὐδόκησας, αἵτινες κατὰ νόμον προσφέρονται, 9 τότε εἴρηκεν Ἰδοὺ ἥκω τοῦ ποιῆσαι τὸ θέλημά σου. ἀναιρεῖ τὸ πρῶτον ἵνα τὸ δεύτερον στήσῃ. 10 ἐν ᾧ θελήματι ἡγιασμένοι ἐσμὲν διὰ τῆς προσφορᾶς τοῦ σώματος Ἰησοῦ Χριστοῦ ἐφάπαξ. 11 Καὶ πᾶς μὲν ἱερεὺς ἕστηκεν καθ’ ἡμέραν λειτουργῶν καὶ τὰς αὐτὰς πολλάκις προσφέρων θυσίας, αἵτινες οὐδέποτε δύνανται περιελεῖν ἁμαρτίας· 12 οὗτος δὲ μίαν ὑπὲρ ἁμαρτιῶν προσενέγκας θυσίαν εἰς τὸ διηνεκὲς ἐκάθισεν ἐν δεξιᾷ τοῦ Θεοῦ, 13 τὸ λοιπὸν ἐκδεχόμενος ἕως τεθῶσιν οἱ ἐχθροὶ αὐτοῦ ὑποπόδιον τῶν ποδῶν αὐτοῦ. 14 μιᾷ γὰρ προσφορᾷ τετελείωκεν εἰς τὸ διηνεκὲς τοὺς ἁγιαζομένους. 15 Μαρτυρεῖ δὲ ἡμῖν καὶ τὸ Πνεῦμα τὸ Ἅγιον· μετὰ γὰρ τὸ εἰρηκέναι
16 Αὕτη ἡ διαθήκη ἣν διαθήσομαι πρὸς αὐτοὺς
μετὰ τὰς ἡμέρας ἐκείνας, λέγει Κύριος·
διδοὺς νόμους μου ἐπὶ καρδίας αὐτῶν,
καὶ ἐπὶ τὴν διάνοιαν αὐτῶν ἐπιγράψω αὐτούς,
17 καὶ τῶν ἁμαρτιῶν αὐτῶν καὶ τῶν ἀνομιῶν αὐτῶν οὐ μὴ μνησθήσομαι ἔτι. 18 ὅπου δὲ ἄφεσις τούτων, οὐκέτι προσφορὰ περὶ ἁμαρτίας.
19 Ἔχοντες οὖν, ἀδελφοί, παρρησίαν εἰς τὴν εἴσοδον τῶν ἁγίων ἐν τῷ αἵματι Ἰησοῦ, 20 ἣν ἐνεκαίνισεν ἡμῖν ὁδὸν πρόσφατον καὶ ζῶσαν διὰ τοῦ καταπετάσματος, τοῦτ’ ἔστιν τῆς σαρκὸς αὐτοῦ, 21 καὶ ἱερέα μέγαν ἐπὶ τὸν οἶκον τοῦ Θεοῦ, 22 προσερχώμεθα μετὰ ἀληθινῆς καρδίας ἐν πληροφορίᾳ πίστεως, ῥεραντισμένοι τὰς καρδίας ἀπὸ συνειδήσεως πονηρᾶς καὶ λελουσμένοι τὸ σῶμα ὕδατι καθαρῷ· 23 κατέχωμεν τὴν ὁμολογίαν τῆς ἐλπίδος ἀκλινῆ, πιστὸς γὰρ ὁ ἐπαγγειλάμενος, 24 καὶ κατανοῶμεν ἀλλήλους εἰς παροξυσμὸν ἀγάπης καὶ καλῶν ἔργων, 25 μὴ ἐγκαταλείποντες τὴν ἐπισυναγωγὴν ἑαυτῶν, καθὼς ἔθος τισίν, ἀλλὰ παρακαλοῦντες, καὶ τοσούτῳ μᾶλλον ὅσῳ βλέπετε ἐγγίζουσαν τὴν ἡμέραν. 26 Ἑκουσίως γὰρ ἁμαρτανόντων ἡμῶν μετὰ τὸ λαβεῖν τὴν ἐπίγνωσιν τῆς ἀληθείας, οὐκέτι περὶ ἁμαρτιῶν ἀπολείπεται θυσία, 27 φοβερὰ δέ τις ἐκδοχὴ κρίσεως καὶ πυρὸς ζῆλος ἐσθίειν μέλλοντος τοὺς ὑπεναντίους. 28 ἀθετήσας τις νόμον Μωϋσέως χωρὶς οἰκτιρμῶν ἐπὶ δυσὶν ἢ τρισὶν μάρτυσιν ἀποθνήσκει· 29 πόσῳ δοκεῖτε χείρονος ἀξιωθήσεται τιμωρίας ὁ τὸν Υἱὸν τοῦ Θεοῦ καταπατήσας καὶ τὸ αἷμα τῆς διαθήκης κοινὸν ἡγησάμενος ἐν ᾧ ἡγιάσθη, καὶ τὸ Πνεῦμα τῆς χάριτος ἐνυβρίσας. 30 οἴδαμεν γὰρ τὸν εἰπόντα Ἐμοὶ ἐκδίκησις, ἐγὼ ἀνταποδώσω· καὶ πάλιν Κρινεῖ Κύριος τὸν λαὸν αὐτοῦ. 31 φοβερὸν τὸ ἐμπεσεῖν εἰς χεῖρας Θεοῦ ζῶντος. 32 Ἀναμιμνῄσκεσθε δὲ τὰς πρότερον ἡμέρας, ἐν αἷς φωτισθέντες πολλὴν ἄθλησιν ὑπεμείνατε παθημάτων, 33 τοῦτο μὲν ὀνειδισμοῖς τε καὶ θλίψεσιν θεατριζόμενοι, τοῦτο δὲ κοινωνοὶ τῶν οὕτως ἀναστρεφομένων γενηθέντες. 34 καὶ γὰρ τοῖς δεσμίοις συνεπαθήσατε, καὶ τὴν ἁρπαγὴν τῶν ὑπαρχόντων ὑμῶν μετὰ χαρᾶς προσεδέξασθε, γινώσκοντες ἔχειν ἑαυτοὺς κρείσσονα ὕπαρξιν καὶ μένουσαν. 35 Μὴ ἀποβάλητε οὖν τὴν παρρησίαν ὑμῶν, ἥτις ἔχει μεγάλην μισθαποδοσίαν. 36 ὑπομονῆς γὰρ ἔχετε χρείαν ἵνα τὸ θέλημα τοῦ Θεοῦ ποιήσαντες κομίσησθε τὴν ἐπαγγελίαν.
37 ἔτι γὰρ μικρὸν ὅσον ὅσον,
ὁ ἐρχόμενος ἥξει καὶ οὐ χρονίσει·
38 ὁ δὲ δίκαιός μου ἐκ πίστεως ζήσεται,
καὶ ἐὰν ὑποστείληται, οὐκ εὐδοκεῖ ἡ ψυχή μου ἐν αὐτῷ.
39 ἡμεῖς δὲ οὐκ ἐσμὲν ὑποστολῆς εἰς ἀπώλειαν, ἀλλὰ πίστεως εἰς περιποίησιν ψυχῆς.
10: 1 Skian gar echōn ho nomos tōn mellontōn agathōn, ouk autēn tēn eikona tōn pragmatōn, kat’ eniauton tais autais thysiais has prospherousin eis to diēnekes oudepote dynatai tous proserchomenous teleiōsai; 2 epei ouk an epausanto prospheromenai, dia to mēdemian echein eti syneidēsin hamartiōn tous latreuontas hapax kekatharismenous? 3 all’ en autais anamnēsis hamartiōn kat’ eniauton; 4 adynaton gar haima taurōn kai tragōn aphairein hamartias. 5 Dio eiserchomenos eis ton kosmon legei
Thysian kai prosphoran ouk ēthelēsas, sōma de katērtisō moi;
6 holokautōmata kai peri hamartias ouk eudokēsas.
7 tote eipon Idou hēkō, en kephalidi bibliou gegraptai peri emou,
tou poiēsai ho Theos, to thelēma sou.
8 anōteron legōn hoti Thysias kai prosphoras kai holokautōmata kai peri hamartias ouk ēthelēsas oude eudokēsas, haitines kata nomon prospherontai, 9 tote eirēken Idou hēkō tou poiēsai to thelēma sou. anairei to prōton hina to deuteron stēsē. 10 en hō thelēmati hēgiasmenoi esmen dia tēs prosphoras tou sōmatos Iēsou Christou ephapax. 11 Kai pas men hiereus hestēken kath’ hēmeran leitourgōn kai tas autas pollakis prospherōn thysias, haitines oudepote dynantai perielein hamartias; 12 houtos de mian hyper hamartiōn prosenenkas thysian eis to diēnekes ekathisen en dexia tou Theou, 13 to loipon ekdechomenos heōs tethōsin hoi echthroi autou hypopodion tōn podōn autou. 14 mia gar prosphora teteleiōken eis to diēnekes tous hagiazomenous. 15 Martyrei de hēmin kai to Pneuma to Hagion; meta gar to eirēkenai
16 Hautē hē diathēkē hēn diathēsomai pros autous
meta tas hēmeras ekeinas, legei Kyrios;
didous nomous mou epi kardias autōn,
kai epi tēn dianoian autōn epigrapsō autous,
17 kai tōn hamartiōn autōn kai tōn anomiōn autōn ou mē mnēsthēsomai eti. 18 hopou de aphesis toutōn, ouketi prosphora peri hamartias.
19 Echontes oun, adelphoi, parrēsian eis tēn eisodon tōn hagiōn en tō haimati Iēsou, 20 hēn enekainisen hēmin hodon prosphaton kai zōsan dia tou katapetasmatos, tout’ estin tēs sarkos autou, 21 kai hierea megan epi ton oikon tou Theou, 22 proserchōmetha meta alēthinēs kardias en plērophoria pisteōs, rherantismenoi tas kardias apo syneidēseōs ponēras kai lelousmenoi to sōma hydati katharō; 23 katechōmen tēn homologian tēs elpidos aklinē, pistos gar ho epangeilamenos, 24 kai katanoōmen allēlous eis paroxysmon agapēs kai kalōn ergōn, 25 mē enkataleipontes tēn episynagōgēn heautōn, kathōs ethos tisin, alla parakalountes, kai tosoutō mallon hosō blepete engizousan tēn hēmeran. 26 Hekousiōs gar hamartanontōn hēmōn meta to labein tēn epignōsin tēs alētheias, ouketi peri hamartiōn apoleipetai thysia, 27 phobera de tis ekdochē kriseōs kai pyros zēlos esthiein mellontos tous hypenantious. 28 athetēsas tis nomon Mōuseōs chōris oiktirmōn epi dysin ē trisin martysin apothnēskei; 29 posō dokeite cheironos axiōthēsetai timōrias ho ton Huion tou Theou katapatēsas kai to haima tēs diathēkēs koinon hēgēsamenos en hō hēgiasthē, kai to Pneuma tēs charitos enybrisas. 30 oidamen gar ton eiponta Emoi ekdikēsis, egō antapodōsō; kai palin Krinei Kyrios ton laon autou. 31 phoberon to empesein eis cheiras Theou zōntos. 32 Anamimnēskesthe de tas proteron hēmeras, en hais phōtisthentes pollēn athlēsin hypemeinate pathēmatōn, 33 touto men oneidismois te kai thlipsesin theatrizomenoi, touto de koinōnoi tōn houtōs anastrephomenōn genēthentes. 34 kai gar tois desmiois synepathēsate, kai tēn harpagēn tōn hyparchontōn hymōn meta charas prosedexasthe, ginōskontes echein heautous kreissona hyparxin kai menousan. 35 Mē apobalēte oun tēn parrēsian hymōn, hētis echei megalēn misthapodosian. 36 hypomonēs gar echete chreian hina to thelēma tou Theou poiēsantes komisēsthe tēn epangelian.
37 eti gar mikron hoson hoson,
ho erchomenos hēxei kai ou chronisei;
38 ho de dikaios mou ek pisteōs zēsetai,
kai ean hyposteilētai, ouk eudokei hē psychē mou en autō.
39 hēmeis de ouk esmen hypostolēs eis apōleian, alla pisteōs eis peripoiēsin psychēs.
11: 1 Ἔστιν δὲ πίστις ἐλπιζομένων ὑπόστασις, πραγμάτων ἔλεγχος οὐ βλεπομένων. 2 ἐν ταύτῃ γὰρ ἐμαρτυρήθησαν οἱ πρεσβύτεροι. 3 Πίστει νοοῦμεν κατηρτίσθαι τοὺς αἰῶνας ῥήματι Θεοῦ, εἰς τὸ μὴ ἐκ φαινομένων τὸ βλεπόμενον γεγονέναι. 4 Πίστει πλείονα θυσίαν Ἄβελ παρὰ Κάϊν προσήνεγκεν τῷ Θεῷ, δι’ ἧς ἐμαρτυρήθη εἶναι δίκαιος, μαρτυροῦντος ἐπὶ τοῖς δώροις αὐτοῦ τοῦ Θεοῦ, καὶ δι’ αὐτῆς ἀποθανὼν ἔτι λαλεῖ. 5 Πίστει Ἐνὼχ μετετέθη τοῦ μὴ ἰδεῖν θάνατον, καὶ οὐχ ηὑρίσκετο διότι μετέθηκεν αὐτὸν ὁ Θεός. πρὸ γὰρ τῆς μεταθέσεως μεμαρτύρηται εὐαρεστηκέναι τῷ Θεῷ· 6 χωρὶς δὲ πίστεως ἀδύνατον εὐαρεστῆσαι· πιστεῦσαι γὰρ δεῖ τὸν προσερχόμενον τῷ Θεῷ, ὅτι ἔστιν καὶ τοῖς ἐκζητοῦσιν αὐτὸν μισθαποδότης γίνεται. 7 Πίστει χρηματισθεὶς Νῶε περὶ τῶν μηδέπω βλεπομένων, εὐλαβηθεὶς κατεσκεύασεν κιβωτὸν εἰς σωτηρίαν τοῦ οἴκου αὐτοῦ, δι’ ἧς κατέκρινεν τὸν κόσμον, καὶ τῆς κατὰ πίστιν δικαιοσύνης ἐγένετο κληρονόμος. 8 Πίστει καλούμενος Ἀβραὰμ ὑπήκουσεν ἐξελθεῖν εἰς τόπον ὃν ἤμελλεν λαμβάνειν εἰς κληρονομίαν, καὶ ἐξῆλθεν μὴ ἐπιστάμενος ποῦ ἔρχεται. 9 Πίστει παρῴκησεν εἰς γῆν τῆς ἐπαγγελίας ὡς ἀλλοτρίαν, ἐν σκηναῖς κατοικήσας, μετὰ Ἰσαὰκ καὶ Ἰακὼβ τῶν συνκληρονόμων τῆς ἐπαγγελίας τῆς αὐτῆς· 10 ἐξεδέχετο γὰρ τὴν τοὺς θεμελίους ἔχουσαν πόλιν, ἧς τεχνίτης καὶ δημιουργὸς ὁ Θεός. 11 Πίστει καὶ αὐτῇ Σάρρᾳ δύναμιν εἰς καταβολὴν σπέρματος ἔλαβεν καὶ παρὰ καιρὸν ἡλικίας, ἐπεὶ πιστὸν ἡγήσατο τὸν ἐπαγγειλάμενον. 12 διὸ καὶ ἀφ’ ἑνὸς ἐγεννήθησαν, καὶ ταῦτα νενεκρωμένου, καθὼς τὰ ἄστρα τοῦ οὐρανοῦ τῷ πλήθει καὶ ὡς ἡ ἄμμος ἡ παρὰ τὸ χεῖλος τῆς θαλάσσης ἡ ἀναρίθμητος. 13 Κατὰ πίστιν ἀπέθανον οὗτοι πάντες, μὴ κομισάμενοι τὰς ἐπαγγελίας, ἀλλὰ πόρρωθεν αὐτὰς ἰδόντες καὶ ἀσπασάμενοι, καὶ ὁμολογήσαντες ὅτι ξένοι καὶ παρεπίδημοί εἰσιν ἐπὶ τῆς γῆς. 14 οἱ γὰρ τοιαῦτα λέγοντες ἐμφανίζουσιν ὅτι πατρίδα ἐπιζητοῦσιν. 15 καὶ εἰ μὲν ἐκείνης ἐμνημόνευον ἀφ’ ἧς ἐξέβησαν, εἶχον ἂν καιρὸν ἀνακάμψαι· 16 νῦν δὲ κρείττονος ὀρέγονται, τοῦτ’ ἔστιν ἐπουρανίου. διὸ οὐκ ἐπαισχύνεται αὐτοὺς ὁ Θεὸς Θεὸς ἐπικαλεῖσθαι αὐτῶν· ἡτοίμασεν γὰρ αὐτοῖς πόλιν. 17 Πίστει προσενήνοχεν Ἀβραὰμ τὸν Ἰσαὰκ πειραζόμενος, καὶ τὸν μονογενῆ προσέφερεν ὁ τὰς ἐπαγγελίας ἀναδεξάμενος, 18 πρὸς ὃν ἐλαλήθη ὅτι Ἐν Ἰσαὰκ κληθήσεταί σοι σπέρμα, 19 λογισάμενος ὅτι καὶ ἐκ νεκρῶν ἐγείρειν δυνατὸς ὁ Θεός· ὅθεν αὐτὸν καὶ ἐν παραβολῇ ἐκομίσατο. 20 Πίστει καὶ περὶ μελλόντων εὐλόγησεν Ἰσαὰκ τὸν Ἰακὼβ καὶ τὸν Ἠσαῦ. 21 Πίστει Ἰακὼβ ἀποθνῄσκων ἕκαστον τῶν υἱῶν Ἰωσὴφ εὐλόγησεν, καὶ προσεκύνησεν ἐπὶ τὸ ἄκρον τῆς ῥάβδου αὐτοῦ. 22 Πίστει Ἰωσὴφ τελευτῶν περὶ τῆς ἐξόδου τῶν υἱῶν Ἰσραὴλ ἐμνημόνευσεν καὶ περὶ τῶν ὀστέων αὐτοῦ ἐνετείλατο. 23 Πίστει Μωϋσῆς γεννηθεὶς ἐκρύβη τρίμηνον ὑπὸ τῶν πατέρων αὐτοῦ, διότι εἶδον ἀστεῖον τὸ παιδίον, καὶ οὐκ ἐφοβήθησαν τὸ διάταγμα τοῦ βασιλέως. 24 Πίστει Μωϋσῆς μέγας γενόμενος ἠρνήσατο λέγεσθαι υἱὸς θυγατρὸς Φαραώ, 25 μᾶλλον ἑλόμενος συνκακουχεῖσθαι τῷ λαῷ τοῦ Θεοῦ ἢ πρόσκαιρον ἔχειν ἁμαρτίας ἀπόλαυσιν, 26 μείζονα πλοῦτον ἡγησάμενος τῶν Αἰγύπτου θησαυρῶν τὸν ὀνειδισμὸν τοῦ Χριστοῦ· ἀπέβλεπεν γὰρ εἰς τὴν μισθαποδοσίαν. 27 Πίστει κατέλιπεν Αἴγυπτον, μὴ φοβηθεὶς τὸν θυμὸν τοῦ βασιλέως· τὸν γὰρ ἀόρατον ὡς ὁρῶν ἐκαρτέρησεν. 28 Πίστει πεποίηκεν τὸ πάσχα καὶ τὴν πρόσχυσιν τοῦ αἵματος, ἵνα μὴ ὁ ὀλοθρεύων τὰ πρωτότοκα θίγῃ αὐτῶν. 29 Πίστει διέβησαν τὴν Ἐρυθρὰν Θάλασσαν ὡς διὰ ξηρᾶς γῆς, ἧς πεῖραν λαβόντες οἱ Αἰγύπτιοι κατεπόθησαν. 30 Πίστει τὰ τείχη Ἰερειχὼ ἔπεσαν κυκλωθέντα ἐπὶ ἑπτὰ ἡμέρας. 31 Πίστει Ῥαὰβ ἡ πόρνη οὐ συναπώλετο τοῖς ἀπειθήσασιν, δεξαμένη τοὺς κατασκόπους μετ’ εἰρήνης. 32 Καὶ τί ἔτι λέγω; ἐπιλείψει με γὰρ διηγούμενον ὁ χρόνος περὶ Γεδεών, Βαράκ, Σαμψών, Ἰεφθάε, Δαυείδ τε καὶ Σαμουὴλ καὶ τῶν προφητῶν, 33 οἳ διὰ πίστεως κατηγωνίσαντο βασιλείας, ἠργάσαντο δικαιοσύνην, ἐπέτυχον ἐπαγγελιῶν, ἔφραξαν στόματα λεόντων, 34 ἔσβεσαν δύναμιν πυρός, ἔφυγον στόματα μαχαίρης, ἐδυναμώθησαν ἀπὸ ἀσθενείας, ἐγενήθησαν ἰσχυροὶ ἐν πολέμῳ, παρεμβολὰς ἔκλιναν ἀλλοτρίων. 35 ἔλαβον γυναῖκες ἐξ ἀναστάσεως τοὺς νεκροὺς αὐτῶν· ἄλλοι δὲ ἐτυμπανίσθησαν, οὐ προσδεξάμενοι τὴν ἀπολύτρωσιν, ἵνα κρείττονος ἀναστάσεως τύχωσιν· 36 ἕτεροι δὲ ἐμπαιγμῶν καὶ μαστίγων πεῖραν ἔλαβον, ἔτι δὲ δεσμῶν καὶ φυλακῆς· 37 ἐλιθάσθησαν, ἐπειράσθησαν, ἐπρίσθησαν, ἐν φόνῳ μαχαίρης ἀπέθανον, περιῆλθον ἐν μηλωταῖς, ἐν αἰγείοις δέρμασιν, ὑστερούμενοι, θλιβόμενοι, κακουχούμενοι, 38 ὧν οὐκ ἦν ἄξιος ὁ κόσμος, ἐπὶ ἐρημίαις πλανώμενοι καὶ ὄρεσιν καὶ σπηλαίοις καὶ ταῖς ὀπαῖς τῆς γῆς. 39 Καὶ οὗτοι πάντες μαρτυρηθέντες διὰ τῆς πίστεως οὐκ ἐκομίσαντο τὴν ἐπαγγελίαν, 40 τοῦ Θεοῦ περὶ ἡμῶν κρεῖττόν τι προβλεψαμένου, ἵνα μὴ χωρὶς ἡμῶν τελειωθῶσιν.
11: 1 Estin de pistis elpizomenōn hypostasis, pragmatōn elenchos ou blepomenōn. 2 en tautē gar emartyrēthēsan hoi presbyteroi. 3 Pistei nooumen katērtisthai tous aiōnas rhēmati Theou, eis to mē ek phainomenōn to blepomenon gegonenai. 4 Pistei pleiona thysian Abel para Kain prosēnenken tō Theō, di’ hēs emartyrēthē einai dikaios, martyrountos epi tois dōrois autou tou Theou, kai di’ autēs apothanōn eti lalei. 5 Pistei Enōch metetethē tou mē idein thanaton, kai ouch hēurisketo dioti metethēken auton ho Theos. pro gar tēs metatheseōs memartyrētai euarestēkenai tō Theō; 6 chōris de pisteōs adynaton euarestēsai; pisteusai gar dei ton proserchomenon tō Theō, hoti estin kai tois ekzētousin auton misthapodotēs ginetai. 7 Pistei chrēmatistheis Nōe peri tōn mēdepō blepomenōn, eulabētheis kateskeuasen kibōton eis sōtērian tou oikou autou, di’ hēs katekrinen ton kosmon, kai tēs kata pistin dikaiosynēs egeneto klēronomos. 8 Pistei kaloumenos Abraam hypēkousen exelthein eis topon hon ēmellen lambanein eis klēronomian, kai exēlthen mē epistamenos pou erchetai. 9 Pistei parōkēsen eis gēn tēs epangelias hōs allotrian, en skēnais katoikēsas, meta Isaak kai Iakōb tōn synklēronomōn tēs epangelias tēs autēs; 10 exedecheto gar tēn tous themelious echousan polin, hēs technitēs kai dēmiourgos ho Theos. 11 Pistei kai autē Sarra dynamin eis katabolēn spermatos elaben kai para kairon hēlikias, epei piston hēgēsato ton epangeilamenon. 12 dio kai aph’ henos egennēthēsan, kai tauta nenekrōmenou, kathōs ta astra tou ouranou tō plēthei kai hōs hē ammos hē para to cheilos tēs thalassēs hē anarithmētos. 13 Kata pistin apethanon houtoi pantes, mē komisamenoi tas epangelias, alla porrōthen autas idontes kai aspasamenoi, kai homologēsantes hoti xenoi kai parepidēmoi eisin epi tēs gēs. 14 hoi gar toiauta legontes emphanizousin hoti patrida epizētousin. 15 kai ei men ekeinēs emnēmoneuon aph’ hēs exebēsan, eichon an kairon anakampsai; 16 nyn de kreittonos oregontai, tout’ estin epouraniou. dio ouk epaischynetai autous ho Theos Theos epikaleisthai autōn; hētoimasen gar autois polin. 17 Pistei prosenēnochen Abraam ton Isaak peirazomenos, kai ton monogenē prosepheren ho tas epangelias anadexamenos, 18 pros hon elalēthē hoti En Isaak klēthēsetai soi sperma, 19 logisamenos hoti kai ek nekrōn egeirein dynatos ho Theos; hothen auton kai en parabolē ekomisato. 20 Pistei kai peri mellontōn eulogēsen Isaak ton Iakōb kai ton Ēsau. 21 Pistei Iakōb apothnēskōn hekaston tōn huiōn Iōsēph eulogēsen, kai prosekynēsen epi to akron tēs rhabdou autou. 22 Pistei Iōsēph teleutōn peri tēs exodou tōn huiōn Israēl emnēmoneusen kai peri tōn osteōn autou eneteilato. 23 Pistei Mōusēs gennētheis ekrybē trimēnon hypo tōn paterōn autou, dioti eidon asteion to paidion, kai ouk ephobēthēsan to diatagma tou basileōs. 24 Pistei Mōusēs megas genomenos ērnēsato legesthai huios thygatros Pharaō, 25 mallon helomenos synkakoucheisthai tō laō tou Theou ē proskairon echein hamartias apolausin, 26 meizona plouton hēgēsamenos tōn Aigyptou thēsaurōn ton oneidismon tou Christou; apeblepen gar eis tēn misthapodosian. 27 Pistei katelipen Aigypton, mē phobētheis ton thymon tou basileōs; ton gar aoraton hōs horōn ekarterēsen. 28 Pistei pepoiēken to pascha kai tēn proschysin tou haimatos, hina mē ho olothreuōn ta prōtotoka thigē autōn. 29 Pistei diebēsan tēn Erythran Thalassan hōs dia xēras gēs, hēs peiran labontes hoi Aigyptioi katepothēsan. 30 Pistei ta teichē Iereichō epesan kyklōthenta epi hepta hēmeras. 31 Pistei Rhaab hē pornē ou synapōleto tois apeithēsasin, dexamenē tous kataskopous met’ eirēnēs. 32 Kai ti eti legō? epileipsei me gar diēgoumenon ho chronos peri Gedeōn, Barak, Sampsōn, Iephthae, Daueid te kai Samouēl kai tōn prophētōn, 33 hoi dia pisteōs katēgōnisanto basileias, ērgasanto dikaiosynēn, epetychon epangeliōn, ephraxan stomata leontōn, 34 esbesan dynamin pyros, ephygon stomata machairēs, edynamōthēsan apo astheneias, egenēthēsan ischyroi en polemō, parembolas eklinan allotriōn. 35 elabon gynaikes ex anastaseōs tous nekrous autōn; alloi de etympanisthēsan, ou prosdexamenoi tēn apolytrōsin, hina kreittonos anastaseōs tychōsin; 36 heteroi de empaigmōn kai mastigōn peiran elabon, eti de desmōn kai phylakēs; 37 elithasthēsan, epeirasthēsan, epristhēsan, en phonō machairēs apethanon, periēlthon en mēlōtais, en aigeiois dermasin, hysteroumenoi, thlibomenoi, kakouchoumenoi, 38 hōn ouk ēn axios ho kosmos, epi erēmiais planōmenoi kai oresin kai spēlaiois kai tais opais tēs gēs. 39 Kai houtoi pantes martyrēthentes dia tēs pisteōs ouk ekomisanto tēn epangelian, 40 tou Theou peri hēmōn kreitton ti problepsamenou, hina mē chōris hēmōn teleiōthōsin.
12: 1 Τοιγαροῦν καὶ ἡμεῖς, τοσοῦτον ἔχοντες περικείμενον ἡμῖν νέφος μαρτύρων, ὄγκον ἀποθέμενοι πάντα καὶ τὴν εὐπερίστατον ἁμαρτίαν, δι’ ὑπομονῆς τρέχωμεν τὸν προκείμενον ἡμῖν ἀγῶνα, 2 ἀφορῶντες εἰς τὸν τῆς πίστεως ἀρχηγὸν καὶ τελειωτὴν Ἰησοῦν, ὃς ἀντὶ τῆς προκειμένης αὐτῷ χαρᾶς ὑπέμεινεν σταυρὸν αἰσχύνης καταφρονήσας, ἐν δεξιᾷ τε τοῦ θρόνου τοῦ Θεοῦ κεκάθικεν. 3 ἀναλογίσασθε γὰρ τὸν τοιαύτην ὑπομεμενηκότα ὑπὸ τῶν ἁμαρτωλῶν εἰς ἑαυτὸν ἀντιλογίαν, ἵνα μὴ κάμητε ταῖς ψυχαῖς ὑμῶν ἐκλυόμενοι. 4 Οὔπω μέχρις αἵματος ἀντικατέστητε πρὸς τὴν ἁμαρτίαν ἀνταγωνιζόμενοι, 5 καὶ ἐκλέλησθε τῆς παρακλήσεως, ἥτις ὑμῖν ὡς υἱοῖς διαλέγεται
Υἱέ μου, μὴ ὀλιγώρει παιδείας Κυρίου,
μηδὲ ἐκλύου ὑπ’ αὐτοῦ ἐλεγχόμενος·
6 ὃν γὰρ ἀγαπᾷ Κύριος παιδεύει,
μαστιγοῖ δὲ πάντα υἱὸν ὃν παραδέχεται.
7 εἰς παιδείαν ὑπομένετε· ὡς υἱοῖς ὑμῖν προσφέρεται ὁ Θεός· τίς γὰρ υἱὸς ὃν οὐ παιδεύει πατήρ; 8 εἰ δὲ χωρίς ἐστε παιδείας, ἧς μέτοχοι γεγόνασιν πάντες, ἄρα νόθοι καὶ οὐχ υἱοί ἐστε. 9 εἶτα τοὺς μὲν τῆς σαρκὸς ἡμῶν πατέρας εἴχομεν παιδευτὰς καὶ ἐνετρεπόμεθα· οὐ πολὺ μᾶλλον ὑποταγησόμεθα τῷ Πατρὶ τῶν πνευμάτων καὶ ζήσομεν; 10 οἱ μὲν γὰρ πρὸς ὀλίγας ἡμέρας κατὰ τὸ δοκοῦν αὐτοῖς ἐπαίδευον, ὁ δὲ ἐπὶ τὸ συμφέρον εἰς τὸ μεταλαβεῖν τῆς ἁγιότητος αὐτοῦ. 11 πᾶσα μὲν παιδεία πρὸς μὲν τὸ παρὸν οὐ δοκεῖ χαρᾶς εἶναι ἀλλὰ λύπης, ὕστερον δὲ καρπὸν εἰρηνικὸν τοῖς δι’ αὐτῆς γεγυμνασμένοις ἀποδίδωσιν δικαιοσύνης. 12 Διὸ τὰς παρειμένας χεῖρας καὶ τὰ παραλελυμένα γόνατα ἀνορθώσατε, 13 καὶ τροχιὰς ὀρθὰς ποιεῖτε τοῖς ποσὶν ὑμῶν, ἵνα μὴ τὸ χωλὸν ἐκτραπῇ, ἰαθῇ δὲ μᾶλλον. 14 Εἰρήνην διώκετε μετὰ πάντων, καὶ τὸν ἁγιασμόν, οὗ χωρὶς οὐδεὶς ὄψεται τὸν Κύριον, 15 ἐπισκοποῦντες μή τις ὑστερῶν ἀπὸ τῆς χάριτος τοῦ Θεοῦ, μή τις ῥίζα πικρίας ἄνω φύουσα ἐνοχλῇ καὶ διὰ ταύτης μιανθῶσιν οἱ πολλοί, 16 μή τις πόρνος ἢ βέβηλος ὡς Ἠσαῦ, ὃς ἀντὶ βρώσεως μιᾶς ἀπέδετο τὰ πρωτοτόκια ἑαυτοῦ. 17 ἴστε γὰρ ὅτι καὶ μετέπειτα θέλων κληρονομῆσαι τὴν εὐλογίαν ἀπεδοκιμάσθη, μετανοίας γὰρ τόπον οὐχ εὗρεν, καίπερ μετὰ δακρύων ἐκζητήσας αὐτήν. 18 Οὐ γὰρ προσεληλύθατε ψηλαφωμένῳ καὶ κεκαυμένῳ πυρὶ καὶ γνόφῳ καὶ ζόφῳ καὶ θυέλλῃ 19 καὶ σάλπιγγος ἤχῳ καὶ φωνῇ ῥημάτων, ἧς οἱ ἀκούσαντες παρῃτήσαντο μὴ προστεθῆναι αὐτοῖς λόγον· 20 οὐκ ἔφερον γὰρ τὸ διαστελλόμενον Κἂν θηρίον θίγῃ τοῦ ὄρους, λιθοβοληθήσεται· 21 καί, οὕτω φοβερὸν ἦν τὸ φανταζόμενον, Μωϋσῆς εἶπεν Ἔκφοβός εἰμι καὶ ἔντρομος· 22 ἀλλὰ προσεληλύθατε Σιὼν ὄρει καὶ πόλει Θεοῦ ζῶντος, Ἱερουσαλὴμ ἐπουρανίῳ, καὶ μυριάσιν ἀγγέλων, πανηγύρει 23 καὶ ἐκκλησίᾳ πρωτοτόκων ἀπογεγραμμένων ἐν οὐρανοῖς, καὶ Κριτῇ Θεῷ πάντων, καὶ πνεύμασι δικαίων τετελειωμένων, 24 καὶ διαθήκης νέας μεσίτῃ Ἰησοῦ, καὶ αἵματι ῥαντισμοῦ κρεῖττον λαλοῦντι παρὰ τὸν Ἄβελ. 25 Βλέπετε μὴ παραιτήσησθε τὸν λαλοῦντα· εἰ γὰρ ἐκεῖνοι οὐκ ἐξέφυγον ἐπὶ γῆς παραιτησάμενοι τὸν χρηματίζοντα, πολὺ μᾶλλον ἡμεῖς οἱ τὸν ἀπ’ οὐρανῶν ἀποστρεφόμενοι· 26 οὗ ἡ φωνὴ τὴν γῆν ἐσάλευσεν τότε, νῦν δὲ ἐπήγγελται λέγων Ἔτι ἅπαξ ἐγὼ σείσω οὐ μόνον τὴν γῆν ἀλλὰ καὶ τὸν οὐρανόν. 27 τὸ δὲ Ἔτι ἅπαξ δηλοῖ τὴν τῶν σαλευομένων μετάθεσιν ὡς πεποιημένων, ἵνα μείνῃ τὰ μὴ σαλευόμενα. 28 Διὸ βασιλείαν ἀσάλευτον παραλαμβάνοντες ἔχωμεν χάριν, δι’ ἧς λατρεύωμεν εὐαρέστως τῷ Θεῷ, μετὰ εὐλαβείας καὶ δέους· 29 καὶ γὰρ ὁ Θεὸς ἡμῶν πῦρ καταναλίσκον.
12: 1 Toigaroun kai hēmeis, tosouton echontes perikeimenon hēmin nephos martyrōn, onkon apothemenoi panta kai tēn euperistaton hamartian, di’ hypomonēs trechōmen ton prokeimenon hēmin agōna, 2 aphorōntes eis ton tēs pisteōs archēgon kai teleiōtēn Iēsoun, hos anti tēs prokeimenēs autō charas hypemeinen stauron aischynēs kataphronēsas, en dexia te tou thronou tou Theou kekathiken. 3 analogisasthe gar ton toiautēn hypomemenēkota hypo tōn hamartōlōn eis heauton antilogian, hina mē kamēte tais psychais hymōn eklyomenoi. 4 Oupō mechris haimatos antikatestēte pros tēn hamartian antagōnizomenoi, 5 kai eklelēsthe tēs paraklēseōs, hētis hymin hōs huiois dialegetai
Huie mou, mē oligōrei paideias Kyriou,
mēde eklyou hyp’ autou elenchomenos;
6 hon gar agapa Kyrios paideuei,
mastigoi de panta huion hon paradechetai.
7 eis paideian hypomenete; hōs huiois hymin prospheretai ho Theos; tis gar huios hon ou paideuei patēr? 8 ei de chōris este paideias, hēs metochoi gegonasin pantes, ara nothoi kai ouch huioi este. 9 eita tous men tēs sarkos hēmōn pateras eichomen paideutas kai enetrepometha; ou poly mallon hypotagēsometha tō Patri tōn pneumatōn kai zēsomen? 10 hoi men gar pros oligas hēmeras kata to dokoun autois epaideuon, ho de epi to sympheron eis to metalabein tēs hagiotētos autou. 11 pasa men paideia pros men to paron ou dokei charas einai alla lypēs, hysteron de karpon eirēnikon tois di’ autēs gegymnasmenois apodidōsin dikaiosynēs. 12 Dio tas pareimenas cheiras kai ta paralelymena gonata anorthōsate, 13 kai trochias orthas poieite tois posin hymōn, hina mē to chōlon ektrapē, iathē de mallon. 14 Eirēnēn diōkete meta pantōn, kai ton hagiasmon, hou chōris oudeis opsetai ton Kyrion, 15 episkopountes mē tis hysterōn apo tēs charitos tou Theou, mē tis rhiza pikrias anō phyousa enochlē kai dia tautēs mianthōsin hoi polloi, 16 mē tis pornos ē bebēlos hōs Ēsau, hos anti brōseōs mias apedeto ta prōtotokia heautou. 17 iste gar hoti kai metepeita thelōn klēronomēsai tēn eulogian apedokimasthē, metanoias gar topon ouch heuren, kaiper meta dakryōn ekzētēsas autēn. 18 Ou gar proselēlythate psēlaphōmenō kai kekaumenō pyri kai gnophō kai zophō kai thyellē 19 kai salpingos ēchō kai phōnē rhēmatōn, hēs hoi akousantes parētēsanto mē prostethēnai autois logon; 20 ouk epheron gar to diastellomenon Kan thērion thigē tou orous, lithobolēthēsetai; 21 kai, houtō phoberon ēn to phantazomenon, Mōusēs eipen Ekphobos eimi kai entromos; 22 alla proselēlythate Siōn orei kai polei Theou zōntos, Hierousalēm epouraniō, kai myriasin angelōn, panēgyrei 23 kai ekklēsia prōtotokōn apogegrammenōn en ouranois, kai Kritē Theō pantōn, kai pneumasi dikaiōn teteleiōmenōn, 24 kai diathēkēs neas mesitē Iēsou, kai haimati rhantismou kreitton lalounti para ton Abel. 25 Blepete mē paraitēsēsthe ton lalounta; ei gar ekeinoi ouk exephygon epi gēs paraitēsamenoi ton chrēmatizonta, poly mallon hēmeis hoi ton ap’ ouranōn apostrephomenoi; 26 hou hē phōnē tēn gēn esaleusen tote, nyn de epēngeltai legōn Eti hapax egō seisō ou monon tēn gēn alla kai ton ouranon. 27 to de Eti hapax dēloi tēn tōn saleuomenōn metathesin hōs pepoiēmenōn, hina meinē ta mē saleuomena. 28 Dio basileian asaleuton paralambanontes echōmen charin, di’ hēs latreuōmen euarestōs tō Theō, meta eulabeias kai deous; 29 kai gar ho Theos hēmōn pyr katanaliskon.
13: 1 Ἡ φιλαδελφία μενέτω. 2 τῆς φιλοξενίας μὴ ἐπιλανθάνεσθε· διὰ ταύτης γὰρ ἔλαθόν τινες ξενίσαντες ἀγγέλους. 3 μιμνῄσκεσθε τῶν δεσμίων ὡς συνδεδεμένοι, τῶν κακουχουμένων ὡς καὶ αὐτοὶ ὄντες ἐν σώματι. 4 Τίμιος ὁ γάμος ἐν πᾶσιν καὶ ἡ κοίτη ἀμίαντος, πόρνους γὰρ καὶ μοιχοὺς κρινεῖ ὁ Θεός. 5 Ἀφιλάργυρος ὁ τρόπος, ἀρκούμενοι τοῖς παροῦσιν· αὐτὸς γὰρ εἴρηκεν Οὐ μή σε ἀνῶ οὐδ’ οὐ μή σε ἐγκαταλίπω· 6 ὥστε θαρροῦντας ἡμᾶς λέγειν
Κύριος ἐμοὶ βοηθός, οὐ φοβηθήσομαι·
τί ποιήσει μοι ἄνθρωπος;
7 Μνημονεύετε τῶν ἡγουμένων ὑμῶν, οἵτινες ἐλάλησαν ὑμῖν τὸν λόγον τοῦ Θεοῦ, ὧν ἀναθεωροῦντες τὴν ἔκβασιν τῆς ἀναστροφῆς μιμεῖσθε τὴν πίστιν. 8 Ἰησοῦς Χριστὸς ἐχθὲς καὶ σήμερον ὁ αὐτός καὶ εἰς τοὺς αἰῶνας. 9 διδαχαῖς ποικίλαις καὶ ξέναις μὴ παραφέρεσθε· καλὸν γὰρ χάριτι βεβαιοῦσθαι τὴν καρδίαν, οὐ βρώμασιν, ἐν οἷς οὐκ ὠφελήθησαν οἱ περιπατοῦντες. 10 Ἔχομεν θυσιαστήριον ἐξ οὗ φαγεῖν οὐκ ἔχουσιν ἐξουσίαν οἱ τῇ σκηνῇ λατρεύοντες. 11 ὧν γὰρ εἰσφέρεται ζῴων τὸ αἷμα περὶ ἁμαρτίας εἰς τὰ ἅγια διὰ τοῦ ἀρχιερέως, τούτων τὰ σώματα κατακαίεται ἔξω τῆς παρεμβολῆς. 12 διὸ καὶ Ἰησοῦς, ἵνα ἁγιάσῃ διὰ τοῦ ἰδίου αἵματος τὸν λαόν, ἔξω τῆς πύλης ἔπαθεν. 13 τοίνυν ἐξερχώμεθα πρὸς αὐτὸν ἔξω τῆς παρεμβολῆς, τὸν ὀνειδισμὸν αὐτοῦ φέροντες· 14 οὐ γὰρ ἔχομεν ὧδε μένουσαν πόλιν, ἀλλὰ τὴν μέλλουσαν ἐπιζητοῦμεν. 15 δι’ αὐτοῦ οὖν ἀναφέρωμεν θυσίαν αἰνέσεως διὰ παντὸς τῷ Θεῷ, τοῦτ’ ἔστιν καρπὸν χειλέων ὁμολογούντων τῷ ὀνόματι αὐτοῦ. 16 τῆς δὲ εὐποιΐας καὶ κοινωνίας μὴ ἐπιλανθάνεσθε· τοιαύταις γὰρ θυσίαις εὐαρεστεῖται ὁ Θεός. 17 Πείθεσθε τοῖς ἡγουμένοις ὑμῶν καὶ ὑπείκετε· αὐτοὶ γὰρ ἀγρυπνοῦσιν ὑπὲρ τῶν ψυχῶν ὑμῶν ὡς λόγον ἀποδώσοντες· ἵνα μετὰ χαρᾶς τοῦτο ποιῶσιν καὶ μὴ στενάζοντες· ἀλυσιτελὲς γὰρ ὑμῖν τοῦτο.
18 Προσεύχεσθε περὶ ἡμῶν· πειθόμεθα γὰρ ὅτι καλὴν συνείδησιν ἔχομεν, ἐν πᾶσιν καλῶς θέλοντες ἀναστρέφεσθαι. 19 περισσοτέρως δὲ παρακαλῶ τοῦτο ποιῆσαι, ἵνα τάχειον ἀποκατασταθῶ ὑμῖν. 20 Ὁ δὲ Θεὸς τῆς εἰρήνης, ὁ ἀναγαγὼν ἐκ νεκρῶν τὸν ποιμένα τῶν προβάτων τὸν μέγαν ἐν αἵματι διαθήκης αἰωνίου, τὸν Κύριον ἡμῶν Ἰησοῦν, 21 καταρτίσαι ὑμᾶς ἐν παντὶ ἀγαθῷ εἰς τὸ ποιῆσαι τὸ θέλημα αὐτοῦ, ποιῶν ἐν ἡμῖν τὸ εὐάρεστον ἐνώπιον αὐτοῦ διὰ Ἰησοῦ Χριστοῦ, ᾧ ἡ δόξα εἰς τοὺς αἰῶνας τῶν αἰώνων· ἀμήν. 22 Παρακαλῶ δὲ ὑμᾶς, ἀδελφοί, ἀνέχεσθε τοῦ λόγου τῆς παρακλήσεως· καὶ γὰρ διὰ βραχέων ἐπέστειλα ὑμῖν. 23 Γινώσκετε τὸν ἀδελφὸν ἡμῶν Τιμόθεον ἀπολελυμένον, μεθ’ οὗ ἐὰν τάχειον ἔρχηται ὄψομαι ὑμᾶς.
24 Ἀσπάσασθε πάντας τοὺς ἡγουμένους ὑμῶν καὶ πάντας τοὺς ἁγίους. Ἀσπάζονται ὑμᾶς οἱ ἀπὸ τῆς Ἰταλίας.
25 Ἡ χάρις μετὰ πάντων ὑμῶν.
13: 1 HĒ philadelphia menetō. 2 tēs philoxenias mē epilanthanesthe; dia tautēs gar elathon tines xenisantes angelous. 3 mimnēskesthe tōn desmiōn hōs syndedemenoi, tōn kakouchoumenōn hōs kai autoi ontes en sōmati. 4 Timios ho gamos en pasin kai hē koitē amiantos, pornous gar kai moichous krinei ho Theos. 5 Aphilargyros ho tropos, arkoumenoi tois parousin; autos gar eirēken Ou mē se anō oud’ ou mē se enkatalipō; 6 hōste tharrountas hēmas legein
Kyrios emoi boēthos, ou phobēthēsomai;
ti poiēsei moi anthrōpos?
7 Mnēmoneuete tōn hēgoumenōn hymōn, hoitines elalēsan hymin ton logon tou Theou, hōn anatheōrountes tēn ekbasin tēs anastrophēs mimeisthe tēn pistin. 8 Iēsous Christos echthes kai sēmeron ho autos kai eis tous aiōnas. 9 didachais poikilais kai xenais mē parapheresthe; kalon gar chariti bebaiousthai tēn kardian, ou brōmasin, en hois ouk ōphelēthēsan hoi peripatountes. 10 Echomen thysiastērion ex hou phagein ouk echousin exousian hoi tē skēnē latreuontes. 11 hōn gar eispheretai zōōn to haima peri hamartias eis ta hagia dia tou archiereōs, toutōn ta sōmata katakaietai exō tēs parembolēs. 12 dio kai Iēsous, hina hagiasē dia tou idiou haimatos ton laon, exō tēs pylēs epathen. 13 toinyn exerchōmetha pros auton exō tēs parembolēs, ton oneidismon autou pherontes; 14 ou gar echomen hōde menousan polin, alla tēn mellousan epizētoumen. 15 di’ autou oun anapherōmen thysian aineseōs dia pantos tō Theō, tout’ estin karpon cheileōn homologountōn tō onomati autou. 16 tēs de eupoiias kai koinōnias mē epilanthanesthe; toiautais gar thysiais euaresteitai ho Theos. 17 Peithesthe tois hēgoumenois hymōn kai hypeikete; autoi gar agrypnousin hyper tōn psychōn hymōn hōs logon apodōsontes; hina meta charas touto poiōsin kai mē stenazontes; alysiteles gar hymin touto.
18 Proseuchesthe peri hēmōn; peithometha gar hoti kalēn syneidēsin echomen, en pasin kalōs thelontes anastrephesthai. 19 perissoterōs de parakalō touto poiēsai, hina tacheion apokatastathō hymin. 20 HO de Theos tēs eirēnēs, ho anagagōn ek nekrōn ton poimena tōn probatōn ton megan en haimati diathēkēs aiōniou, ton Kyrion hēmōn Iēsoun, 21 katartisai hymas en panti agathō eis to poiēsai to thelēma autou, poiōn en hēmin to euareston enōpion autou dia Iēsou Christou, hō hē doxa eis tous aiōnas tōn aiōnōn; amēn. 22 Parakalō de hymas, adelphoi, anechesthe tou logou tēs paraklēseōs; kai gar dia bracheōn epesteila hymin. 23 Ginōskete ton adelphon hēmōn Timotheon apolelymenon, meth’ hou ean tacheion erchētai opsomai hymas.
24 Aspasasthe pantas tous hēgoumenous hymōn kai pantas tous hagious. Aspazontai hymas hoi apo tēs Italias.
25 HĒ charis meta pantōn hymōn.
Sursa Noul Testament, Eberhard Nestle, 1904
(comparat cu ediţia din 1913 – textul dintre paranteze)
https://sites.google.com/site/nestle1904/hebrews
Transliterarea s-a făcut pe siteul
Varianta transliterării
Society of Biblical Literature
2021, Floreşti-Cluj
Niciun comentariu:
Trimiteți un comentariu